Ana Lisiku Lyakululuchila Ulemwa Likusakwaya Uli Wawojo?

16:12-15

Ana tukulijiganya chichi pakamulichisya masengo ubani pa Lisiku Lyakululuchila Ulemwa?

• Mapopelo ga ŵakutumichila ŵakulupichika ŵa Yehofa gakusagajitichisya gali mpela ubani. (Sal. 141:2) Jwamkulungwa jwa Ŵambopesi pajwapelekaga ubani pameso pa Yehofa jwatendaga yeleyo mwa uchimbichimbi. Myoyosoni, patukupopela kwa Yehofa tukusasosekwa kutenda yeleyo mwa uchimbichimbi.

• Jwamkulungwa jwa Ŵambopesi mkanapeleche mbopesi jwasosekwaga kaje kutinisya ubani. Mwakulandana ni yeleyi, Yesu mkanapeleche umi wakwe mpela mbopesi, jwasosekwaga kutenda yindu yakuti Yehofa ajitichisye mbopesijo mwakuŵa jwakulupichika kwa jwalakwe ndaŵi syosope

Ana mpaka simichisye chamtuli kuti Yehofa akwitichisya mbopesi syangusapeleka kwa jwalakwe?