Kusosasosa Majiganyo ga Mlungu

LIGONGO CICI KULI KWAKUSOSEKWA: Mkujiganya Jwamkulungwa Yehofa, akusatupa majiganyo gambone mnope. Jwalakwe akusatujiganya mwampaka tukolele umi wambone, nambosoni akusatukosecelesya kuti tukole sogolo jambone, yosopeyi akusatupa kwalulele. (Yes. 11:6-9; 30:20, 21; Ciw. 22:17) Kupitila m’majiganyo gakwega, Yehofa akusatujiganya kuti twasalileje ŵane ya utenga wakulupusya.—2 Akoli. 3:5.

MWAMPAKA TUTENDELE:

• Tukoleje ndamo ja kulinondiya soni ja kufasa.—Sal. 25:8, 9

• Tukamulicisyeje masengo upile wa majiganyo gakutupa Yehofa apano, mwacisyasyo tujigaleje nawo mbali mu sukulu ja mu msongano wa Undumetume ni Umi Waciklistu

• Tukoleje yakulinga yausimu.—Afil. 3:13

• Tulipeleceje kuti citupate upile wakola majiganyo gane gakonjecesya.—Afil. 3:8

ALOLELE FIDIYO JAKUTI MAJIGANYO GA YEHOFA GAKUSATUTENDEKASYA KUSICILA MWAUSIMU, KANEKO AJANJE YIWUSYO YAKUYICISYAYI:

• Ana ni yakusawusya yapi yaŵalimbene nayo Aklistu ŵane kuti akombole kwinjila Sukulu ja Ŵakulalicila ya Ucimwene?

• Ana Sukulu ja Ŵakulalicila ya Ucimwene jikusapeleka majiganyo gamtuli?

• Ana abale ni alongo atesile yamtuli pakwakamucisya ŵakumalisya majiganyo ga Sukulu ja Ŵakulalicila ya Ucimwene payice pa mpingo wawo?

• Ana ŵandu ŵakusasosekwa kwinjila mu Sukulu ja Ŵakulalicila ya Ucimwene akusasosekwa kwanilisya yindu yapi? (kr 189)

• Ana ni majiganyo gane gapi gampaka atende mu likuga lya Yehofa?