Kongolela Katende Ketu ka Undumetume—Tukoleje Lung’wanu ni Ŵandu

Ligongo Lyakwe Kuli Kwakusosekwa: Yesu ŵaganicisyaga ya mundu jwalijose pajika, soni ŵalosyaga lung’wanu. Mwambone, pandaŵi jine Yesu ŵam’weni mundu jwangapikana juŵawonekaga kuti akutenda sooni. Jwalakwe ŵamposisye mundujo pakasyepela, pali pangali likuga lya ŵandu. (Maliko 7:31-35) Jwalakwe ŵalosisyesoni kuti ŵaganicisyaga ŵakulijiganya ŵakwe. Ŵamanyililaga yampaka ŵakulijiganyawo akombole ni nganiŵajiganyaga yindu yejinji pandaŵi jimo. (Yoh. 16:12) Atamose pali kwinani, Yesu akusatenda lung’wanu ni ŵandu. (2 Tim. 4:17) Mpela ŵakuya Klistu, tukusosekwa kumsyasya jwalakwe. (1 Pet. 2:21; 1 Yoh. 3:16, 18) Patukutenda yindu yakulosya kuti tukumganicisya msyenenyumba pakulola yayikumtendecela paumi wakwe, yakusatenda nayo lung’wanu, soni yayikusamlagasya nganisyo, tucilalicila mwakamula mtima. Jwalakwejo cacipikanila naga akuwona kuti cakulinga cetu nganiciŵa kumsalila utengawo kapena kumpa magasini basi, nambo naga akuwona kuti tukutenda najo lung’wanu.