Kongolela Katende Ketu ka Undumetume—Kosecela Maloŵe Gandanda

Ligongo Cici Kuli Kwakusosekwa: Naga maloŵe gawo gandanda nganigaŵa gelinganyikwe cenene mpaka gatendekasye msyenenyumba kwimika yakutagulilana. M’yoyo, ŵakulalicila ŵajinji akusagawona maloŵe gawo gandanda kuŵa gakusosekwa mnope pakulalicila. Atamose kuti mu Undumetume wa Ucimwene, soni m’buku ja Kukambitsirana za Malemba mukusaŵaga yisyasyo yakutusalila mwampaka tuŵecetele, nambope ŵangaŵikamo maloŵe gejinji kuti tuŵeje ŵagopoka kuŵeceta. Atamose ali aŵisile maloŵe gejinji, jwakulalicila mpaka asagule kamulicisya masengo kapena kulinganya maloŵe gakwe. M’yoyo, tukusosekwa tukoseceleje cenene maloŵe getu gandanda m’malo mwakwamba kwembeceya kuti tuwonegane kaje ni msyenenyumba ni ganisyaga yakuŵeceta.—Miy. 15:28.