“Ngangusamsimana Panyumba!”

Ana pakwete paŵecete maloŵe gelega ali mkusala ya mundu jwaŵalosisye lung’wanu? Atamose kuti aŵele ali mkumjawulila kumangwakwe mwakuwilisyawilisya, nambo yikwalemape kwitilila mbeju syaŵapandile. (1 Akoli. 3:6) Ndaŵi sine, ŵaŵele ali mkulalicila kwa ndaŵi jelewu akusamlembela cikalata mundu jwangakumsimana panyumba jakwe ni kumtumicisya cikalataco, kapena kucileka pamlango pakwe. Pakumanyilila kuti mwine ciyiŵe yakusawusya kuja kumsimana kumangwakwe, ŵakulalicila ŵane pasimene ni mundu akusam’ŵenda nambala jakwe ja foni kuti calumbikane. Mpaka tulembe ulendo wakuwilisya pa lipoti lyetu naga mundu jwine tumtumicisye cikalata kapena kum’ŵicila pamlango pakwe, kumtumicisya imelo, utenga wa pafoni, kapenasoni naga tumjimbile. Atamose kuti yili yakusawusya kumsimana mundujo panyumba ndaŵi syejinji, nambo yili yakomboleka kumkamucisya kukusya lung’wanu lwakwete.