Kongolela Katende Ketu ka Undumetume—Kuleka Ciwusyo Cakutukamucisya Kutenda Ulendo Wakuwilisya

Ligongo Lyakwe Kuli Kwakusosekwa: Naga tusimene ni mundu jwalung’wanu, tukusasosekwa kuwujilako kuti tukajitile mbeju ja usyesyene jwatupandile mwa mundujo. (1 Akoli. 3:6) Kuti tukombole kutenda yeleyi, tukusasosekwa kulinganya yakuti cituyicesoni kwa mundujo lisiku line. Konjecesya pelepa, tukusasosekwa kuleka ciwusyo cakuti citutagulilane najo paulendo wakuyicisyawo. Kutenda yeleyi kukusamtendekasya msyenenyumbajo kwembeceya mwalung’wanu ulendo wakuyicisyawo, soni naga buku jampele jikwanga ciwusyo cawusisyeco, jwalakwe cacijiŵalanga mwangakayicila. Kulinganya ya ngani jakuti catagulilane ni msyenenyumba lisiku line kukusakamucisya kuti ulendo wakuyicisya uŵe wangasawusya ligongo tukusaŵa tuli mkumanyilila ya ngani jakuja kutagulilana, soni msyenenyumba akusakosecela cenene. Paulendo wakuwilisya tukusagamba kumsalila kuti tuyice kukwanga ciwusyo citwalesile, kaneko ni kwendelecela kutagulilana najo.