Kongolela Katende Ketu Ka Utumiki​—Kulalichila Pakamulichisya Masengo Foni

LIGONGO CHICHI KULI KWAKUSOSEKWA: Kulalichila pakamulichisya masengo foni, lili litala lyambone lyakulalichilila “ngani syambone.” (Mase. 20:24)a Kulalichila pakamulichisya masengo foni kukusatukamuchisya kumlalichila mundu jwele nganituŵa tumyichile kumangwakwe.

MWAMPAKA TUTENDELE:

• 

  Kosechela. Asagule ngani jakuŵajilwa. Kaneko akusosekwa kulemba yakusaka kuŵecheta. Akusosekwasoni kosechela utenga wejipi wakusala yayatendekasisye kuti ajimbe fonijo kutendela naga msyene fonijo nganajanga. Yikusaŵa chenene kutama patebulo ali ajigele yalembileyo soni yine yakusosechela. Mpaka awugule chile JW Library^® kapena jw.org^® pa yipangiso yamakono

• 

  Aŵe ŵagopoka. Aŵecheteje mwakusaŵechetela. Amwetulileje mpela kuti akuŵechetana ni mundujo pameso ni pameso. Aŵambaleje kwimajima pakuŵecheta. Yikusaŵa chenene kulalichilaga yalumo ni ŵandu ŵane. Naga msyenenyumba awusisye chiwusyo, akusosekwa wawojo kuchiwilisya pakusaka kuti jwali nawo mu utumikijo ŵakamuchisye kupata kwanga kwakwe

• 

  Aleche chiwusyo chakuti chajanje paulendo wakuwilisya. Naga msyenenyumba alosisye chidwi, akusosekwa kuleka chiwusyo chakuti chajanje pa ulendo wakuyichisya pafoni. Mpaka ampesoni imelo jawo, mapu gakwakutama, kapena mpaka amtumichisye mabuku. Mpaka amtumichisyesoni fidiyo kapena ngani kupitila pa imelo. Naga kwakomboleka amsalile ya yindu yayikusimanikwa pa webusayiti jetu