Ana Baibulo Jikusasala Yatuli?

Ana ŵandu ni ŵaŵatandisye dini?

ŴANDU ŴANE AKUSAKULUPILILA kuti ŵandu ni ŵaŵatandisye dini. Ŵane akusaganisya kuti Mlungu akusakamulicisya masengo dini pakutukamucisya kuti tuŵe najo paunasi. Ana wawojo akuganisya wuli?

YAJIKUSASALA BAIBULO

Pana “kulambila [dini] kweswela ni kwangasakasidwa kwa Mlungu ni Atati ŵetu.” (Yakobo 1:27) Mlungu ni juŵatandisye dini jeswela kapena kuti dini jakuwona.

ANA CINE CAPI CAMPAKA TULIJIGANYE M’BAIBULO?

• Kuti ŵandu amsangalasyeje Mlungu, akusosekwa kuŵa mu dini jajikusajiganya usyesyene wa m’Baibulo.—Yohane 4:23, 24.

• Dini syasikusajiganya nganisyo sya ŵandu sili syangalimate.—Maliko 7:7, 8.

Ana kuŵa mu dini jine jakwe kuli kwakusosekwa?

ANA MPAKA AJANJE WULI?

• Elo

• Iyayi

• Mwine

YAJIKUSASALA BAIBULO

“Kwende tukumbucilaneje jwine ni mjakwe, ni kamucisyana jwine ni mjakwe pakulosya kunonyelana ni kutenda yambone. Kwende tukaleka ndamo syetu syakusongana pampepe.” (Ahebeli 10:24, 25) Mlungu akusasaka kuti ŵakulambila ŵakwe asonganeje pampepe mpela likuga lyakamulana.

ANA CINE CAPI CAMPAKA TULIJIGANYE M’BAIBULO?

• Wosope ŵakusamlambila Yehofa, akusosekwa kulupililaga yindu yakulandana—1 Akolinto 1:10, 11.

• Ŵandu ŵali mu dini jakusajinonyela Mlungu ali likuga lyapacilambo cosope.—1 Petulo 2:17.