შეულებნანო მთავრობეფს გაერთიანება, ნამდა დუდშე ეიჩილითუან კლიმატურ კატასტროფა? – მუს იჩიებ ბიბლია?

ჟეშხას, 2022 წანაშ 20 ნოემბერს ჩეტარ კლიმატიშ თირუაწკუმა დაკავშირებულ გაეროშ ირწანიან სამიტიქ (COP27). მართალ რე, გეგნოჭყორდჷ, კლიმატურ კატასტროფათ დაზარალებურ ქიანეფიშ ფინანსურო მოხვარაქ, მარა ბრელიშ აზრით, თენა იშენით ვეგნოჭკირუნს თე პრობლემას.

•  „მოხიოლ, ნამდა გეგნობჭყვიდით კლიმატიშ თირუათ დაზარალებურ ქიანეფშო ფარაშ გინოდვალა. მარა, მუშო ოკო რაგად, თენა ვა რე დასაბაღ... ჩქინ პლანეტა იშენით კლიმატურ კატასტროფაშ საფრთხეშ წოხოლე გერე“ – ანტონიო გუტერეშ, გაეროშ გენერალურ მდივან (19 ნოემბერ, 2022 წანა).

•  „შილებე დედამიწას ხეთეშე დითირას კლიმატიქ, მუდგას კატასტროფა მაჸუნუ“ – მერი რობინსონ, ირლანდიაშ ყოფილ პრეზიდენტ დო გაეროშ ადამიანიშ კომისიაშ ყოფილ უმაღლეს კომისარ (20 ნოემბერ, 2022 წანა).

ჩქინ პლანეტაშ მომავალით განსაკუთრებულო ახალგაზრდეფ რენა დაინტერესებულ. შეულებნანო მთავრობეფს ართათ ქიგედირთან დო შეასრულან მუნეფიშ პირობა კლიმატიშ თირუაწკუმა დაკავშირებით? მუს იჩიებ ბიბლია?

შეიალებენანო მთავრობეფს გაერთიანება, ნამდა გეგნოჭკირან კლიმატურ პრობლემეფ?

მართალ რე, ნამთინე თეშო დუდის ვაზოგენს დო შურდოგურით ოკო პრობლემაშ გინოჭკირუა, მარა ბიბლია აარგამენს, ნამდა ადამიანეფს სადღამუშოთ ვა მაგვარებენა თე საკითხ. მორთ, ქიგებგათ თეშ ჟირ მიზეზ:

•  „მოდირაკილ ვაგგასწორებე“ (ეკლესიასტე 1:15).

  ენწყუმა: მთავრობეფს ვეშულებნა გაკეთან ირფელ, მუთ ოკონა, მუშენდა ადამიანეფ ვა რენა თეშ გოჭყაფილეფ, მუნეფიშ დუდიშ ხემძღვანელობაქ შეიალებუანინ (იერემია 10:23). თინეფქ გაერთიანება მახერხანინ ხოლო, იშენით ვეგნაჭკირენა მსოფლიოშ პრობლემეფ, ვა უღჷ მნიშვნელობა, მუნერ შურდოგურით ეცადებნა თეშ კეთებას.

•  „ხალხ იჸუაფ დუდიშ მოჸოროფე, ფარაშ მოჸოროფე,.. ჯიუტ“ (2 ტიმოთე 3:2, 3).

  ენწყუმა: ბიბლიაქ ზუსტას იწინასწარმეტყველ, ნამდა ამდღარ დროს მახორუ კათაშ უმენტაშ ჯიუტეფ იჸუაფდეს დო შხვეფიშ საჯგირობუოთ ართო მუშობაშენ ვარიას ქოთქუანდეს.

მუშ იმენდ შემლებნა მიღდან?

ჩქინ პლანეტაშ მომავალ ადამიანურ მთავრობეფიშ დუნაპირებუეფშა ვა რე დამოკიდებულ. ღორონთიქ უნარიან მართველ გიორინუ, თენა რე იესო ქრისტე. თიშ გურშენ ბიბლია იჩიებ:

• „თიშა იჸუაფ მენდებულ მართველობა, ქიგიადვალუ თის სარკო ელმაჩამალ, ძალიერ ღორონთ, მარადიულ მუმა დო მშვიდობაშ მთავარ“ (ესაია 9:6).

იესო ღორონთიშ სამეფოშ, შხვანერო ქოფთქუათინ, ზეციერ სამეფოშ მეფე რე (მათე 6:10). თის უღჷ ძალა, სიბრძნე დო სურვილ, ნამდა ქიმკაჯინას ჩქინ პლანეტას დო თექ მახორუ ხალხის (ფსალმუნი 72:12, 16). თიშ მართველობაშ თუდო, ზეციერ მთავრობა ბოლოს მუღენს თინეფს, მით რენა „დედამიწაშ მუმასპალეფ“ დო პლანეტას უჯგუშობაშა დოთირანს (გამოცხადება 11:18; ესაია 35:1, 7).

თიშ გაგებელო, მუჭო გიშენწყუაფ სადღამუშოთ კლიმატიშ თირუაწკუმა დაკავშირებულ პრობლემეფ, წეკითხით ართ-ართ სტატია ჩქინ ვებგვერდის (რას ამბობს ბიბლია კლიმატის ცვლილებასა და კაცობრიობის მომავალზე?)