ნამ ლიდერს გიშეგორუნთ?–მუს იჩიებ ბიბლია?

ხალხის მნიშვნელოვან გადაწყვეტილებეფ აფჷ მიოღებელ, თინეფქ ოკო გინოჭყვიდან ნამ ლიდერს გიშეგორნა.

მუს იჩიებ ბიბლია?

ამდღარ ლიდერეფიშ შესაძლებლობეფ შეზღუდულ რე

ბიბლია მირაგადნა მუშ კეთება ვეშულებნა ამდღარ ლიდერეფს.

• „იმენდ ვეგიორსხუათ მართველეფშა, ვართ შხვა ადამიანეფშა, ნამდგას ვეშულებ რსხება. გეშალუ შურ დო დართუ დიხას, თიმ დღას დინუ თიშ ფიქრეფი“ (ფსალმუნი 146:3, 4).

არძაშ უმოს უნარიან ლიდერეფ ხოლო ვა ცხოვრენა მარადიულო დო ღურნა. თეს გეძინელ, თე ლიდერეფს ვა მაჩინენა თიშ გარანტია, ნამდა მუნეფიშ წუმოჭყაფილ ჯგირ საქმეეფს შხვეფ გაგრძელენა (ეკლესიასტე 2:18, 19).

ბიბლია არგამათ მირაგადნა, ნამდა ადამიანეფს დღას ვეშიალებენა უხემძღვანელან მუნეფიშ დუდის.

• „კოჩის ვაჸონინე მუშ ცხოვრება“ (იერემია 10:23).

მიქ შილებე ამდღა იჸუას ჯგირ ლიდერქ?

ღორონთიშ გიშაგორილ ლიდერ

ბიბლიაშე ბგებულენთ, ნამდა ღორონთიქ არძაშ უმოს უნარიან დო სანდო ლიდერ გიშაგორ, თენა რე იესო ქრისტე (ფსალმუნი 2:6). იესო ღორონთიშ სამეფოშ, შხვანერო ქოფთქუათინ, ზეციერ მთავრობაშ მეფე რე (მათე 6:10).

ქუგოკონანო იესოქ თქვან მართველქ ხოლო ქიჸუას? ბიბლიაშე ბგებულენთ, ნამდა დიდ მნიშვნელობა უღჷ მუნერ პასუხის მეფჩანთ თე კითხვას:

• „პატი ქოცით სქუას [იესო ქრისტე], ნამდა ვეგერისხას ღორონთიქ დო ვა მორსპან თქვან შარაშე, მუშენდა ხეთეშე ირისხებ თინა; ბედნერ რე არძა, მით თის გითუფორუანს დუდის“ (ფსალმუნი 2:12).

ასე რე გადაწყვეტილებაშ მეღებაშ დრო. ბიბლიურ წინასწარმეტყველებაშე ბგებულენთ, ნამდა იესოქ თე სამეფოშ მართუა დიჭყჷ 1914 წანას დო მალას ღორონთიშ სამეფო არძა ადამიანურ მართველობას გოთირანს (დანიელი 2:44).

თიშ გურშენ მეტ ინფორმაციაშ მიოღებელო, მუჭო შეილებნა ხუჯ დუკინათ იესოშ მართველობას, ქოძირით ართ-ართ სტატია ჩქინ ვებგვერდის („დღესვე დაუჭირეთ მხარი ღვთის სამეფოს!“)