მართალო ქეშულებნო ფეხბურთის ხალხიშ გაერთიანება? მუს იჩიებ ბიბლია?

სოდგარენ ხუთ მილიარდ კოჩ უჯინე ფიფაშ მსოფლიო საფეხბურთო ჩემპიონატის, ნამუთ 2022 წანაშ 20 ნოემბერშე 18 დეკემბერს იტარებ. ბრელ ფიქრენს, ნამდა თეცალ სპორტულ ღონისძიებეფს ბრელით უმოს მნიშვნელოვან როლ უღჷ, ვინემ ხალხიშ ართო აკოშაყარუა თიშ ჯინაშ დროს.

•  „სპორტის უღჷ ძალა, დოთირუას მსოფლიო, იმოქმედას ადამიანეფიშ აზროვნებაშა დო გაერთიანას ხალხ. ბრელ მუთუნს ვა უღჷ თიცალ დიდ ძალა, მუნერით სპორტის“ (ნელსონ მანდელა, სამხრეთ აფრიკაშ ყოფილ პრეზიდენტ).

•  „ართ იმენდ, ართ ხიოლ, ართ სიამოვნება, ართ ჸოროფა . . . ზუსტას თენა რე ფეხბურთ, ნამუთ არძანერ ადამიანს აერთიანენს“ (ჯანი ინფანტინო, ფიფაშ პრეზიდენტ).a

მართალო შეულებნო ფეხბურთიშ ჩემპიონატის ვარდა შხვა თეცალ სპორტულ ღონისძიებას თეცალ დიდ მიზანიშ მეჭირნაფა? დღას გეერთიანებნო მსოფლიო დო ქიჸინო მშვიდობა?

მართალო აერთიანენსო ფეხბურთ ხალხის?

თე წანაშ მსოფლიო ჩემპიონატ ბრელით უმოს რდჷ, ვინემ ხვალე ფეხბურთ. თე ღონისძიებას მაჸუნ დებატეფქ სოციალურ დო პოლიტიკურ საკითხეფს. თინეფ შქას თიცალ საკითხეფს, მუნერით რე, ადამიანეფიშ უფლებეფ, რასიზმ დო ეკონომიკურ უთანასწორობა.

თეშ უმკუჯინუო, ბრელ ფიქრენს, ნამდა თეცალ საერთაშორისო ღონისძიებეფ სასიამოვნო გასართობ საშვალება რე. მარა ვორწყეთ, ნამდა თეცალ ღონისძიებეფ გაერთიანებაშ მანგიორო, ხოლო უმოსო აკორთუნს ხალხის. მუჭოთ ბიბლია იჩიებ 2 ტიმოთეშ 3:1—5-ის, „ბოლო დღალეფს“ ზუსტას თეცალ მდგომარეობა იჸიდ მსოფლიოს.

მუ გაერთიანენს მსოფლიოს სინამდვილეს?

ბიბლიაშე ბგებულენთ, მუ გაერთიანენს მსოფლიოს. ღორონთიშ სიტყვა მოპირნა, ნამდა ადამიანეფს ზეციერ ხელისუფლება გაერთიანენს, ნამდგას „ღორონთიშ სამეფო“ ჯოხო (ლუკა 4:43; მათე 6:10).

ღორონთიშ სამეფოშ მეფე, იესო ქრისტე, მთელ მსოფლიოს მშვიდობას დამყარენს. ბიბლიას ჭარჷ:

•  „თიშ დროს გეხარენს მართალ დო იმეფენს მშვიდობა“ (ფსალმუნი 72:7).

•  „თინა დერსხენს ღარიბის, ნამუთ მოხვარას ითხინს,.. დაჩაგრება დო ძალადობაშე ირსხენს თინეფს“ (ფსალმუნი 72:12, 14).

იესოშ გურაფეფ ამდღა ხოლო აერთიანენს მილიონობით ადამიანს 239 ქიანას დო ტერიტორიას. თინეფქ ქიდიგურეს, ნამდა ვა ჯოგდან მუნეფშე განსხვავებულ კათა. უმოსიშ გაგებელო, ქორთულ ნინაშა წეკითხით სტატიეფიშ სერია „გიორჯგინით გოჯოგაფას!“.