დედამიწა ჭიე-ჭიეთ ინადგურებ — მუს იჩიებ ბიბლია?

„კლიმატურ კატასტროფაშ შარას გივორეთ. დიდ ქალაქეფს წყარ დოფორუნს. ტემპერატურა მანგარო მიძინანს. იჸუაფ ძალიერ ქარბორიეფ. მაღვენუნა ოშუმალ წყარიშ პრობლემა. მცენარეეფ დო ცხოველეფიშ მილიონობით სახეობა გოჭყორდუ. თეს ჩქი ვებგონენთ დო ვართ ზედმეტის ვუძინანთ. მუჭოთ მეცნიერეფ იჩიებნა, თე ირფელ ვემოჩირთუნა მთავრობეფქ ენერგორესურსეფიშ გიმორნაფა თაშ გაგრძელეს-და“ – თქუ გაეროშ გენერალურ მდივანქ, ანტონიო გუტერეშიქ, კლიმატიშ თირუაშ სამთავრობათშორისო ექსპერტეფიშ ჯგუფიშ შეხვალამას 2022 წანაშ 4 აპრილს.

„მეცნიერეფ მაფრთხილენა, ნამდა მუსხირენ წანაშა კლიმატიშ თირუა მანგარო იმოქმედენს შეერთებულ შტატეფს, არძა 423 ეროვნულ პარკშა. განსაკუთრებულ პრობლემას გარჩქინანს ტემპერატურაშ მოძინა. თე ირფელ ბიბლიას ინოჭარილ უბედრობეფს მოგენს, მაგალთო, მუნერით რე: დაჩხერ დო დიდწყარალა, ჸინიშ გონდღულაფა, ზღვეფიშ ადიდება დო ტემპერატურაშ მოძინა“ — ჭარუდ ნიუ-იორკ ტაიმზიშ 2022 წანაშ 15 ივანობაშ გიშაშქუმალაშ ართ-ართ სტატიას (Flooding Chaos in Yellowstone, a Sign of Crises to Come).

ქორენო შეიოლებერ ეკოლოგიურ პრობლემეფიშ მოგვარება? თაშ ქორენ-და, მი მაგვარენს? დეკვირით, მუს იჩიებ ბიბლია თეშ გურშენ.

ეკოლოგიურ პრობლემეფ ნაწინასწარმეტყველეფ რდჷ

ბიბლია იჩიებ, ნამდა ღორონთ მოსპუნს „დედამიწაშ მუმასპუალეფს“ (გამოცხადება 11:18). თე ბიბლიურ მუხლშე სუმ მუდგარენს ბგებულენთ:

1. 1. ადამიანეფ მნიშვნელოვანო დაზიანენა დედამიწას.

2. 2. დედამიწაშ „მოსპუალას“ ბოლო მეღებ.

3. 3. ეკოლოგიურ პრობლემეფს ადამიანეფ ვარინ, ღორონთ მაგვარენს.

დედამიწას უსაფრთხო მომავალ აღვენუ

ბიბლიას ჭარჷ, ნამდა „დედამიწა მარადიულო სქიდუ“ (ეკლესიასტე 1:4). ადამიანეფ დედამიწას ირიათო იცხოვრენა.

• „მართალეფ დემკვიდრენა დედამიწას დო მარადიულო იცხოვრენა თექ“ (ფსალმუნი 37:29).

ეკოლოგიურ პრობლემეფს ბოლო მეღებუ

• „გოფალუნს უდაბნო დო ხიროკილ დიხა, ხიოლ აღვენუ მითინ ვახორანსინ ფერ ადგილს დო ყვინთელპირცალო გოპეულანს“ (ესაია 35:1).