მა-14 ნაწილიშ შესავალ

პირველ ქრისტიანეფქ სამეფოშ გურშენ სახიოლო ამბე დედამიწაშ არძაშ უმოს შორ ადგილეფს ხოლო იქადაგეს. იესო მითითებას არზენდჷ თინეფს, სო ოკო იქადაგესკო. თეწკუმა ართო, სასწაულ აკეთ დო თინეფს თიშ უნარ ხოლო ქიმეჩჷ, ნამდა ადამიანეფს მუნეფიშ ნინაშა გეგნოჩესკო სახიოლო ამბე. იეჰოვა არზენდჷ თინეფს გაბედულებას დო ძალას, ქუგურზესკო ირნერ თხოზინს.

იესოქ მოციქულ იოანეს ხილუას ქაძირუ იეჰოვაშ დიდება. ართ ხილუას იოანექ ძირჷ, მუჭო გიორჯგინანს ზეციერ სამეფო სატანას დო საბოლათ მუჭო მოსპუნს თიშ მმართველობას. იოანექ გამეფებულ იესო დო 144 000 გიშაგორილ ხოლო ძირჷ, მით თიწკუმა ართო იმმართველენა. თეს გეძინელ, ძირჷ, სამოთხეთგინორთელ დედამიწა, სოდეთ მშვიდობა დო ართობა რე დო არძა იეჰოვას ცენსჷ თაყვანს.