იოანეშ ხილუეფ

მუჟამსით მოციქულ იოანე კუნძულ პატმოსის ჭოფილ რდჷ, იესოქ თის მომავალიშ გურშენ 16 ხილუა ოძირუ. თე ხილუეფშე იძირედ, მუჭო გესუფთებუდ იეჰოვაშ სახელ, მუჭო მიშ თიშ სამეფო დო მუჭო შისრულებუდ თიშ ნება ქოთ ზეცას დო ქოთ დედამიწას.

ართ-ართ ხილუას იოანე ორწყე იეჰოვას, ნამუთ მუშ დიდებულ ტახტის გეხე. თე ტახტის 24 უხუცეს გოურე. თინეფს ჩე ბარგ მიკაქუნა დო დუდის ოქროშ გვირგვინეფ გედგუნა. ტახტშე ვალუნს დო გურგინიშ ხონარ გიმურს. 24 უხუცეს იეჰოვაშ წოხოლე ბირგულს ოშქვანს დო თაყვანს ცენსჷ თის. შხვა ხილუას იოანე ორწყე ანაყუ ხალხის არძა ერშე, ხალხშე დო ნინაშე, მით თაყვანს ცენა იეჰოვას. კირიბ, ნამუთ იესო რე, ჭყიშანს თინეფს დო სიცოცხლეშ წყარჸურე მეჸუნს. უკულ ხოლო ართ ხილუას იოანე ორწყე, ნამდა იესო, მუჭოთ მეფე, 24 უხუცესწკუმა ართო ზეცას მმართველობას იჭყანს. უკულიან ხილუას იოანე ორწყე, მუჭო ობრძოლ იესო დრაკონს, ნამუთ სატანა რე, დო თიშ დემონეფს. იესო თინეფს ზეცაშე დედამიწაშა გიმარღვანს.

თეშ უკულ იოანე ორწყე განსაკუთრებულ მუდგარენს: კირიბ დო 144 000 გიშაგორილ ზეციურ სიონიშ გვალას გერენა. თეს გეძინელ, ორწყე ანგელოზის, ნამუთ მთელ დედამიწას გილაფურინუნს დო ხალხის ურაგად, ნამდა ოშქურუდან ღორონთშა დო დიდება უძღვინან თის.

უკულიან ხილუას იოანე არმაგედონს ორწყე, სოდეთ იესო დო თიშ ლაშქარ გიორჯგინანს სატანაშ უბადო ქიანას. ბოლო ხილუას იოანე ორწყე, მუნერ მშვიდობა დო ართობა რე ქოთ ზეცას დო ქოთ დედამიწას. სატანა დო თიშ გამნარყ სადღამუშოთ ისპუნა. არძა, ზეცას დო დედამიწას, ხვალე იეჰოვას ცენსჷ თაყვანს დო ადიდენს თიშ სახელს.