Guọnọ ọke vwo yono kpahen Ọghẹnẹ

Akpọ wẹn che yovwinphiyọ siẹrẹ wọ da rhuẹrẹ ọke vwo yono kpahen Ọghẹnẹ. Wo de ru ọtiọyen, wẹ vẹ Jihova che vwo uvi rẹ oyerinkugbe. Jẹ a fuẹrẹn oborẹ Jesu ta kpahen ota nana.

Oborẹ Jesu tare

“Omavwerhovwẹn dia vwọ kẹ ihwo re riẹnre nẹ ayen guọnọ odjekẹ rẹ Ọghẹnẹ.”—Matiu 5:3.

• Avwanre eje guọnọ riẹn ẹkpahọnphiyọ rẹ enọ kerẹ: Diesorọ a vwọ hẹ akpọ na? Diesorọ ihwo buebun vwọ rioja? Die yen phia siẹrẹ ohwo de ghwu? E se vwo vwo omavwerhovwẹn, ofori nẹ a guọnọ ẹkpahọnphiyọ rẹ eno nana.

“Ohwo cha sa vwẹ ibrẹdi ọvo rhọ-ọ, ẹkẹvuọvo womarẹ kota kota ro nẹ unu ri Jihovaa rhe.”—Matiu 4:4.

• Kirobo rẹ ugboma na guọnọ emu ye, ọtiọyen o ji fo nẹ a guọnọ ẹkpahọnphiyọ rẹ eno eghanghanre nana ri se si avwanre kẹrẹ Ọghẹnẹ. Jesu djere phenphẹn nẹ e se vwo vwo uvi rẹ omavwerhovwẹn, ofori nẹ a vwẹroso odjekẹ rẹ Ọghẹnẹ.

“Ota wẹn uyota.”—Jọn 17:17.

• Jesu tare nẹ idjerhe ọvo kiriguo rẹ Ọghẹnẹ vwọ vwẹrote ọdavwẹ rẹ ẹwẹn rẹ avwanre yen womarẹ Ota Rọyen rọ dia Baibol na.

Wo se vwo vwo uvi rẹ omavwerhovwẹn, avwanre jiriro kẹ wẹ nẹ wọ guọnọ ọke vwo yono kpahen Ọghẹnẹ. Enana erọnvwọn evo re sa cha wẹ uko:

• Se Baibol na ọphẹ.

• Nokpẹn rẹ uyono ri Baibol ọphẹ vẹ oyono romobọ.