Ukẹcha Vwọ kẹ Ihwo ri Rhuẹro

Egbaeriariẹn tare nẹ omarẹ ihwo ri bun tẹ oduduru 43 yen rhuẹro, ayen je mrẹvughe nẹ ihwo ri bun te 295 nabọ mrorẹ fiotọọ.a Ọ da ohwo mamọ nẹ, ihwo buebun vwẹ ayen vwọ jehwẹ ji gboja kẹ ayen.

Mavọ yen oma ru Ọghẹnẹ kpahen ihwo ri rhuẹro? Die yen Baibol na ta kpahen ayen? Ukẹcha vọ yen Iseri ri Jihova vwọ kẹ ayen nonẹna?

Mavọ yen oma ru Ọghẹnẹ kpahen ihwo ri rhuẹro

Baibol na jẹ avwanre riẹn nẹ Jihovab vwo ọdavwẹ rẹ ihwo ri rhuẹro. Ọ guọnọre nẹ a vwẹrote ayen, ayen je mrẹ erere vwo nẹ uyono rọ vwọ phia. Ọ je kẹ ayen iphiẹrophiyọ kpahen obaro na.

Ẹkpo ri Baibol: “Ekan kẹ ohwo ro sun orhuẹro ghwru vwẹ idjerhe.”—Diutaronomi 27:18.

Ẹkpo ri Baibol: “Ọghẹnẹ ghwomaphiyọ ẹbẹre ọvo jẹ ọvo vwo-o.”—Iruo rẹ Iyinkọn Na 10:34.

Ẹkpo ri Baibol: Jesu “vwẹ okẹ rẹ orẹmrẹ vwọ kẹ ihwo buebun ri rhuẹro.”—Luk 7:21.

Ẹkpo ri Baibol: “Ẹro rẹ irhuẹro ki che rhie.”—Aizaya 35:5.

Oboro mudiaphiyọ: Jihova veri nẹ kẹrẹkpẹ, Uvie rẹ Ọghẹnẹ de suẹn vwẹ otọrakpọ na re, ihwo rẹ ẹro rayen rhuru cha rhoma mrorẹ.

Oborẹ Iseri ri Jihiva vwọ vwẹ ukẹcha phia

Vwẹ akpọ na eje, avwanre Iseri ri Jihova ghwoghwo ovuẹ rẹ iphiẹrophiyọ ro nẹ obo rẹ Ọghẹnẹ rhe vwọ kẹ ihwo ri rhuẹro. Mavọ yen avwanre ru ọnana wan?

• Avwanre teyen Baibol na vẹ ọbe rẹ ukoko na vwẹ idjerhe rẹ ihwo ri rhuẹro vẹ ihwo re sa mrorẹ tee da sa mrẹ erere norhe, ọtiọyen ji tẹ braille, ẹbe rẹ ibieta rọyen rhoro kugbe ọ re ru phiyọ uhworo.

• Kohwo kohwo sa rhe emẹvwa rẹ avwanre ji tẹ ihwo ri rhuẹro.

• Avwanre rhie uphẹn phiyotọ vwọ kẹ ihwo eje re guọnọ yono Baibol na, ayen se ru ọtiọyen womarẹ ukẹcha rẹ ohwo ọvo yẹrẹ ọfa.c

A hwa osa phiyọ erọnvwọn eje rẹ avwanre ruẹ naa. Diesorọ? Kidie Jesu tare nẹ: “Ọphẹ yen a vwerọ kẹ ovwan, ovwan je vwọ kẹ ihwo ọphẹ.”—Matiu 10:8.

Iseri ri Jihova vwo ọdavwẹ kpahen ihwo rẹ ẹro rayen rhuru. Ihwo re guọnọ nene avwanre ga Ọghẹnẹ kugbe cha vwo uvi rẹ igbeyan. Mrẹ ikuegbe rẹ Iseri ri Jihova evo rẹ ẹro rayen rhuru.

Talita Alnashi rọhẹ Sweden mrorẹ fiotọ nẹ ọkiemọ rhee. Se kpahen oborẹ ọsẹ vẹ oni rọyen vwẹ ukẹcha vwọ kẹ vwo yono Baibol na vẹ oborẹ ọyen vẹ orua rọyen vwọ mrẹ ẹguọnọ vẹ obicha rẹ iniọvo na.

Cynthia Pablo rọhẹ Philippines, dierhọ ẹro rọyen ji rhu. Mavọ yen iniọvo na vwọ vwẹ ukẹcha kẹ vwẹ ọke rẹ ọga ri COVID-19? Se ikuegbe na vwẹ uyovwinrota nana “Congregation Supports Deaf and Blind Sister During Pandemic.”

Ekuakua vọ yen avwanre vwori re vwo yono ihwo Baibol na?

Ọbe ri Braille. Avwanre teyen Baibol na vwẹ braille, a fan ọsoso yẹrẹ ẹbẹre ọvo rọyen vwo kpo ephẹrẹ sansan. (Wọ vwọ mrẹ ephẹrẹ sansan vwẹ braille, ni ekpeti na “The New World Translation of the Bible in Braille.”) Avwanre je teyen Ẹbe ukoko avwanre buebun vwẹ ephẹrẹ ri braille. A teyen ẹbe ro vwẹ uyovwinrota na Learn to Read Braille, vwọ kẹ ihwo re guọnọ yono Braille. A rhuẹrẹ ọbe nana rere ohwo rọ mrorẹ sa vwọ reyọ vwọ vwẹ ukẹcha kẹ irhuẹro vwo yono obo re se braille.

• Wọ da guọnọ ọbe na, wọ sa vuẹ Iseri ri Jihova nẹ ayen kẹ wẹ ọvo.

• Vwẹ jw.org, danlodu rẹ evuẹ ra sa vwẹ notetakerd vwo se.

• Wọ da guọnọ ọbe na, wọ sa vuẹ Iseri ri Jihova nẹ ayen kẹ wẹ ọvo.

• Danlodu rẹ ẹbe rẹ ibieta rayen rhoro rọ họhẹ ọ ro rhe we obọ vwẹ jw.org.

• Kerhọ rẹ uhworo yẹrẹ danlodu rayen vwẹ jw.org kugbe aplikashọni ri JW Library.

• Vwẹ jw.org, danlodu rẹ ẹbe ru wọ sa vwẹ screen readers yẹrẹ digital talking book players vwo hworo.e

Ividio ro vwo audio descriptions.f Iseri ri Jihova ruẹ Baibol re ru phiyọ ividio re de djisẹ rẹ obo re phia vwẹ evun rọyen vwẹ ephẹrẹ re vrẹ 100. Ividio nana vwẹ ukẹcha kẹ ihwo vwo vwo ẹruọ rẹ odjekẹ ri Baibol rere ayen sa vwọ reyọ vwo ruiruo vwẹ akpeyeren rayen.

Idje rẹ ividio re de djisẹ rẹ obo re phia vwẹ evun rọyen yen obotọ na, wọ sa mrẹ ayen vwẹ ephẹrẹ rẹ English:

• For a Happy Marriage

• The Bible Changes Lives

• Whiteboard Animations

• Guọnọ Ọguan Ruvie rọ kẹrẹ owẹ.

• Yono kpahen isikoko rẹ avwanre ruẹ kukpe kukpe.

• Kpo Ẹkarophiyọ rẹ ughwu ri Jesu rọ dia irueru rọ ma ghanre rẹ avwanre ruẹ kukpe kukpe.

José Luis Ayala rọ dia Mexico. Odierhọ yen o ruẹ e vwo vwiẹ, o ri vwo te ẹgbukpe 29 o de rhuẹro. Se kpahen oborẹ emẹvwa rẹ avwanre vwọ cha uko vwẹ akpeyeren rọyen kugbe oborẹ iniọvo na vwọ vwẹ ukẹcha kẹ vwọ tona obo re yono ihwo efa Baibol na.