Ru Ona Rẹ Aghwoghwo Wẹn Yovwin Phiyọ—E Vwo Ghwoghwota kẹ Irhuẹro

OBORESORỌ Ọ VWỌ GHANRE: Irhuẹro buebun ghwa guọnọ ta ota kẹ erhorha. Ọtiọyena, ọ guọnọ ona e ki se ghwoghwo ota kẹ ihwo tiọyena. Jihova nabọ davwerhọn rẹ irhuẹro mamọ. (Liv. 19:14) Avwanre sa vwẹrokere Jihova siẹrẹ a da chọn irhuẹro uko ayen vwọ dia ugbeyan rẹ Ọghẹnẹ.

OBO RE CHE RUO WAN:

• “Guọnọ” irhuẹro. (Mat. 10:11) Wo vughe orua rẹ orhuẹro hepha? Ekogho wo de ghwoghwo vwo isikuru, asan ra da vwẹrote emare yẹrẹ asan efa, re guọnọ ẹbe rẹ ukoko na muegbe rọyen vwọ kẹ irhuẹro?

• Dje ọdavwẹ romobọ phia. Wo de dje ọdavwẹ vẹ uruemu rẹ ugbeyan phia ọ cha nẹrhẹ ẹwẹn rẹ orhuẹro na totọ. Davwẹngba wọ vwọ vwẹ uyovwinrota ro che si ihwo urhuru vwọ ton ota phiyọ.

• Vwẹ ukẹcha kẹ ayen vwọ riẹn Jihova. A sa vwọ vwẹ ukẹcha vwọ kẹ irhuẹro vẹ ihwo re mrorẹ te-e, ukoko na de ru ẹbe phiyọ oka sansan rẹ ayen se se. Nọ ohwo na kpahen ọ rọ guọnọre. E jẹ oniruo rọvwẹrote iruo rẹga na vwo imuẹro nẹ odibo rọ vwẹrote ẹbe ukoko na durhiephiyọ ẹbe rẹ orhuẹro ọvuọvo guọnọre.