Egberianriẹn Si Ọke rẹ Akpọ na Cha Vwọ Ghwọrọ Kẹrẹ Uherevie rẹ Ason

Vwẹ January 27, 2026, egberianriẹn de bi obọ rẹ ughọjọ re se Doomsday Clocka kerẹ uherevie rẹ ason. Uherevie rẹ ason na mudiaphiyọ ọke rẹ ihworakpọ cha vwọ ghwọrọ oma rayen vẹ akpọ na.

• “Nonẹna Bulletin of the Atomic Scientists Science vẹ Security Board bi obọ rẹ ughọjọ re se Doomsday Clock kpo aroẹbrẹ 85 ro vwo te uherevie rẹ ason, ọnana yen me sikẹrẹ ọke rẹ oghwọrọ na.”—Bulletin of the Atomic Scientists.

• “Egberianriẹn reyọ ughọjọ re se Doomsday Clock na vwọ vuẹ avwanre obo re phia. Erọnvwọn miovwẹnphiyọ vwẹ akpọ na, ihwo rha sa wian kuẹgbe vwọ rhuẹrẹ ebẹnbẹẹn. A guọnọ ewene, ọyen obo re ji se ru, ẹkẹvuọvo ofori nẹ ihwo vuẹ isun rayen nẹ ayen brokpakpa ru emu kpahen obo re phia vwẹ akpọ na.”—Alexandra Bell, president vẹ CEO, Bulletin of the Atomic Scientists.

Kẹ ọnana mudiaphiyọ nẹ ihworakpọ cha ghwọrọ oma rayen vẹ akpọ na? Ofori nẹ obo re cha phia vwẹ obaro na mu avwanre oshọ? Die yen Baibol na tare?

Obo re cha phia vwẹ obaro na

Baibol na tare nẹ “akpọ na herọ bẹdẹ” ọ je tanẹ ihwo “cha dia enu rọyen bẹdi bẹdẹ.” (Aghwoghwo 1:4; Une rẹ Ejiro 37:29) Ọtiọyena, ihworakpọ cha sa ghwọrọ akpọ na yẹrẹ miovwo te ẹdia rẹ ihwo rha cha sa dia ọfaa.

Ẹkẹvuọvo, Baibol na ta ota kpahen oba rẹ akpọ na. Kerẹ udje, ọ tare nẹ “akpọ na rha wanvrẹ.”—1 Jọn 2:17.

• Wo se vwo vwo ẹruọ rẹ oborẹ Baibol na ta kpahen oba rẹ akpọ na, se uyovwinrota na “Is the World Coming to an End? What Is the Apocalypse?”

• Wo sa vwọ riẹn erọnvwọn sansan rẹ Baibol na tare nẹ e cha phia vwẹ akpọ na vwẹ ọke rẹ oba na, se uyovwinrota na “When Will the World End?”

Vwo iphiẹrophiyọ kpahen obaro na

Baibol na sa cha avwanre uko vwo vwo iphiẹrophiyọ kpahen obaro na dede nẹ erọnvwọn ebrabra phia nonẹna. Vwẹ idjerhe vọ?

• Baibol na vọnre vẹ uchebro re se cha avwanre uko nonẹna. (2 Timoti 3:16, 17) Kerẹ udje, se uyovwinrota na “Oborẹ wo se Vwo si Ẹnwan Kpotọ” vwọ mrẹ oborẹ Baibol na sa vwọ vwẹ ukẹcha kẹ wẹ vwo vwo omavwerhovwẹn dede nẹ erọnvwọn ebrabra phia nonẹna.

• Baibol na kẹ avwanre iphiẹrophiyọ kokoroko kpahen obaro na. (Rom 15:4) Ọ nabọ djefiotọ kẹ avwanre obo ra cha mrẹ nonẹna vẹ obo re cha phia vwẹ obaro na, ọnana cha avwanre uko vwo fiudugberẹ o toro obo re phia vwẹ akpọ naa.

Wọ sa vwọ mrẹ erere vwo nẹ Baibol na rhe, avwanre durhie uwe nẹ wo rhiabọreyọ uyono ri Baibol rẹ ọphẹ rẹ avwanre ruẹ nonẹna.