Russia Kpare Ofovwin Kpo Ukraine

Vwẹ edegburhiọke ri February 24, 2022, Russia da kpare ofovwin kpo Ukraine, dede nẹ isun rẹ akpọ na davwẹngba rẹ ayen vwọ kẹnoma kẹ ofovwin. Die yen ofovwin nana sa so vwẹ akpọ na? Vwẹ ẹdẹ evo re wanre na, ohwo rode ọvo re se António Guterres rọ dia secretary-general rẹ United Nations da ta: “A cha sa vwẹ ẹro roro ojaẹriọ kugbe oghwọrọ rẹ ofovwin nana cha so vẹ obo ro che si ufuoma vwo nẹ ẹkuotọ rehẹ Europe vẹ ẹkuotọ efa vwẹ akpọ na-a.”

Die yen Baibol na ta kpahen erọnvwọn tiọna re phia na?

• Jesu mraro rọyen nẹ ọke ọvo cha “ẹgborho cha vwọ so ẹgborho, uvie cha vwọ so uvie.” (Matiu 24:7) Se uyovwinrota na “What Is the Sign of ‘the Last Days,’ or ‘End Times’?” rere wọ mrẹ oborẹ Baibol na vwo djephia nẹ ifovwin re phiẹ nonẹna eyen orugba rẹ aroẹmrẹ ri Jesu.

• Ọbe rẹ Ẹvwọphia reyọ ofovwin vwo dje ọguiyesi ro chidia enu rẹ iyesi “ọ pha vwavwanre gbagbagba” rọ “reyọ ufuoma nẹ akpọ na.” (Ẹvwọphia 6:4) Se uyovwinrota na “Iguiyesi Ẹne Na—Die Yen Ayen Mudiaphiyọ?” rere wọ mrẹ oborẹ aroẹmrẹ nana vwo shekpahen ofovwin re phiẹ nonẹna.

• Ọbe ri Daniẹl mraro rọyen nẹ “ovie rẹ obohwẹre onre” kugbe ‘ovie rẹ obọrhen ọnre’ na cha vwọ so ohwohwo. (Daniẹl 11:25-45) Ni ividio na Fulfilled Prophecy—Daniel Chapter 11 rere wọ mrẹ oboresorọ Russia vẹ ihwo ri biẹcha vwọ dia ovie rẹ obohwẹre ọnre na.a

• Ẹvwọphia ji djisẹ rẹ “ofovwi rẹ ẹdẹ rode rẹ Ọghẹnẹ Ọrovwoẹgba na.” (Ẹvwọphia 16:14, 16) Ẹkẹvuọvo, ọnana dia ofovwin rọ cha dia vwẹ uvwre rẹ ẹgborho ivẹ kirobo ra mrẹ nonẹna-a. Se uyovwinrota na “What Is the Battle of Armageddon?” rere wọ sa vwọ mrẹ evuẹ efa ri shekpahen ofovwin yena.

Die yen sa nẹrhẹ wo vwo imuẹro kpahen obaro na?

• Baibol na tare nẹ Ọghẹnẹ cha “nẹrhẹ ofovwi fue re te oba rẹ akpọ na.” (Une Rẹ Ejiro 46:9) Se uyovwinrota na “A Real Hope for a Better Tomorrow” rere wọ mrẹ erọnvwọn efa rẹ Ọghẹnẹ veri nẹ ọyen che ru vwẹ obaro na.

• Jesu yono idibo rọyen nẹ ayen nẹrhovwo nẹ e jẹ Uvie rẹ Ọghẹnẹ rhe. (Matiu 6:9, 10) Uvie yena ọyen usuon rọhẹ odjuvwu ro che ru ọhọre rẹ Ọghẹnẹ kpahen otọrakpo na gba, ufuoma rẹ akpọeje ọyen ẹbẹre ọvo rẹ ọhọre rọyen na. Ni ividio na Die Yen Uvie rẹ Ọghẹnẹ? rere wo yono kpobarophiyọ kpahen ebruphiyọ rẹ Uvie na cha hwarhiẹ bru we rhe.

Iseri ri Jihova re vrẹ 129,000 yehẹ Ukraine. Kirobo rẹ Iseri rehẹ ẹkuotọ efa ruẹ, ayen vwẹrokere Jesu rere ayen vwo jẹ ẹbẹre rẹ usuon ẹka, ayen ji vwobọ vwẹ ofovwi-in. (Jọn 18:36) Kọke kọke yen Iseri ri Jihova rehẹ akpọeje vwo ghwoghwo nẹ “iyẹnrẹ esiri” rẹ Uvie rẹ Ọghẹnẹ na yen che phioba phiyọ ebẹnbẹn rẹ ihworakpọ ji tobọ te ofovwin. (Matiu 24:14) Avwanre jiriro kẹ wẹ nẹ wọ vwẹ ovuẹ te avwanre obọ rere a vẹ owẹ yono kpahen ovuẹ rẹ iphiẹrophiyọ rọhẹ Baibol na.