Ofovwin ri Ukraine ro Ukpe Rivẹ​—Iphiẹrophiyọ vọ Yen Baibol na Vwọphia?

Vwẹ Friday, February 24, 2023, yen ọ cha vwọ gba ẹgbukpe ọvo rẹ ofovwin ri Ukraine na vwọ tonphiyọ re. Iyẹnrẹn evo djerephia nẹ isodje ri Ukraine vẹ Russia ri te omarẹ 300,000 yen ghwuru yẹrẹ wan oma. Ihwo diodi ri te omarẹ 30,000 yen a sa tanẹ ofovwin na hweri re. Ẹkẹvuọvo, uchunu rẹ ihwo na sa vrẹ ọtiọyen.

Ọ da ohwo mamọ nẹ a je riẹn ọke rẹ ofovwin nana che vwo vwoba-a.

• “Rhanvwe ọke rẹ isodje ri Russia vwọ kpare ofovwin kpo Ukraine na, a je mrẹ obo ri djerephia nẹ ofovwin na che vwoba kẹrẹkpẹ-ẹ. A je mrẹ emu vuọvo ro djerephia nẹ ẹbẹre ọvo che phikparobọ yẹrẹ nẹ ayen cha rhọnvwephiyọ emuọvo rọ cha rhuẹrẹ ebẹnbẹn na phiyọ-ọ.”​—NPR (National Public Radio), February 19, 2023.

Ihwo buebun muomaphiyọ fikirẹ ọmiaovwẹ vẹ oja rẹ ofovwin nana vẹ efa so kẹ ihwo re riẹn emuọvo-o vwẹ akpọneje. Iphiẹrophiyọ vọ yen Baibol na vwọphia? Ofovwin che ghini vwoba ẹdẹ ọvo?

Ofovwin ro che phioba phiyọ ifovwin eje

Baibol na ta ota kpahen ofovwin ọvo ro che sivwin ihworakpọ, ọ dia ọ cha ghwọrọ aye-en. A riẹnrẹ phiyọ ofovwin rẹ Amagidọn, e djisẹ rọyen kerẹ “ofovwin rẹ ẹdẹ rode rẹ Ọghẹnẹ Ọromevwẹgba na.” (Ẹvwọphia 16:​14, 16) Ọghẹnẹ cha womarẹ ofovwin nana vwo phioba phiyọ usuon rẹ ihworakpọ, re so ifovwin buebun. Wo se vwo yono kpahen oborẹ Amagidọn cha vwọ ghwa ufuoma ri bẹdẹ rhe, se iyovwinreta na:

• “Die Yen Ofovwin rẹ Amagidọn?”

• “Amagidọn Iyẹnrẹn Esiri!”