تمام اہلِ‌زبان کو جمع کرنا

^۱ خدا کے کلام کی تکمیل ہو رہی ہے!‏ ”‏مختلف اہلِ‌لغت“‏ سچی پرستش کو قبول کر رہے ہیں۔ (‏زک ۸:‏۲۳)‏ یہوواہ کے گواہ ”‏بڑی مصیبت“‏ سے بچنے کے امکان کیساتھ یہوواہ کے حضور راست حیثیت حاصل کرنے کیلئے ’‏ہر ایک قبیلہ اور اُمت اور اہلِ‌زبان‘‏ کے لوگوں کی مدد کیسے کر رہے ہیں؟—‏مکا ۷:‏۹،‏ ۱۴‏۔‏

^۲ خدا کی تنظیم کا جوابی‌عمل:‏ گورننگ باڈی نے زمین کے تمام لوگوں کو خوشخبری کی اہمیت کو واضح طور پر سمجھنے کے قابل بنانے کیلئے تقریباً ۳۸۰ زبانوں میں بائبل لٹریچر فراہم کرنے کا بندوبست کِیا ہے۔ متعدد زبانوں میں لٹریچر کی تیاری اور اشاعت ایک وسیع کام ہے۔ اس کام میں لائق مترجمین کو جمع کرنا، انہیں ہمارے لٹریچر کا ترجمہ کرنے کیلئے درکار مدد فراہم کرنا اور مواد کی چھپائی اور ترسیل کرنا بھی شامل ہے۔ تاہم، لوگوں تک بائبل کا زندگی‌بخش پیغام پہنچانے کیلئے بادشاہتی مُناد بنیادی کردار ادا کرتے ہیں۔‏

^۳ چیلنج قبول کرنا:‏ اب بہتیرے علاقوں میں غیرملکی زبان بولنے والے کافی لوگ ملتے ہیں۔ ان لوگوں تک خوشخبری پہنچانے کے لئے خدا کے خادموں کی ایک بڑھتی ہوئی تعداد چینی، روسی، ہسپانوی یا اپنے علاقے کی کوئی اَور مقبول زبان سیکھنے کی کوشش کر رہی ہے۔ دیگر امریکہ کی اشاروں کی زبان سیکھ رہے ہیں۔ صرف ریاستہائے‌متحدہ میں کوئی ۲،۹۰۰ کلیسیائیں اور ۲۴۰ گروہ انگریزی کے علاوہ دیگر ۳۸ زبانوں میں منادی کر رہے ہیں۔ بعض ایسے لوگ بھی سچائی قبول کر رہے ہیں جنہوں نے یہوواہ کی بابت کبھی نہیں سنا تھا یا بائبل کی بابت کچھ نہیں جانتے تھے۔—‏روم ۱۵:‏۲۱‏۔‏

^۴ کیا ہم اپنے علاقہ میں کسی دوسری ثقافت سے تعلق رکھنے والے لوگوں کو خوشخبری سنانے کی حتی‌المقدور کوشش کر سکتے ہیں؟ (‏کل ۱:‏۲۵‏)‏ بہتیری کلیسیائیں ایسے مقامی علاقے میں منادی کا کام منظم کر رہی ہیں جہاں غیرملکی زبان بولی جاتی ہے۔ پبلشر نئی زبان میں سب سے پہلے ایسی سادہ سی پیشکش سیکھتے ہیں:‏ ”‏سلام، آپ کیلئے ایک خوشخبری ہے۔ [‏اسکے بعد اُس زبان میں دستیاب اشتہار یا بروشر پیش کرتے ہیں۔]‏ خداحافظ۔“‏ واقعی، یہوواہ ایسی سادہ رسائیوں کو برکت بخشتا ہے!‏

^۵ بادشاہتی پیغام ہر طرح کے پس‌منظر رکھنے والے اور زبان کے لوگوں کو تحریک دیتا ہے۔ ہمیں ہر موقع سے فائدہ اُٹھاتے ہوئے انہیں اس سے واقف کرانا چاہئے۔‏