خدا کی بادشاہت کیا کچھ انجام دے گی؟
پاک کلام کا جواب
خدا کی بادشاہت تمام اِنسانی حکومتوں کی جگہ لے لے گی اور پوری زمین پر حکمرانی کرے گی۔ (دانیایل 2:44؛ مکاشفہ 16:14) اِس کے بعد خدا کی بادشاہت یہ کام انجام دے گی:
بُرے لوگوں کا نامونشان مٹا دے گی جن کی خودغرضی کی وجہ سے ہم سب کو بہت نقصان پہنچا ہے۔ ”شریر زمین پر سے کاٹ ڈالے جائیں گے۔“—امثال 2:22۔
جنگوں کو ختم کر دے گی۔ ”[خدا]زمین کی اِنتہا تک جنگ موقوف کراتا ہے۔“—زبور 46:9۔
زمین پر خوشحالی اور سلامتی لائے گی۔ ”تب ہر ایک آدمی اپنی تاک اور اپنے اِنجیر کے درخت کے نیچے بیٹھے گا اور اُن کو کوئی نہ ڈرائے گا۔“—میکاہ 4:4۔
زمین کو فردوس بنا دے گی۔ ”ریگستان اور پیاسی زمین باغ باغ ہوں گے، بیابان ... کھلِ اُٹھے گا۔“—یسعیاہ 35:1، اُردو جیو ورشن۔
ہر شخص کو ایسا کام دے گی جس سے اُسے خوشی اور اِطمینان ملے۔ ”[خدا کے] برگزیدے اپنے ہاتھوں کے کام سے مُدتوں تک فائدہ اُٹھائیں گے۔ اُن کی محنت بےسود نہ ہوگی۔“—یسعیاہ 65:21-23۔
بیماریوں کا نامونشان مٹا دے گی۔”وہاں کے باشندوں میں بھی کوئی نہ کہے گا کہ مَیں بیمار ہوں۔“—یسعیاہ 33:24۔
بڑھاپے سے چھٹکارا دِلائے گی۔ ”پھر اُس کا جسم اِک بچہ کے جسم کی طرح تازہ ہو جائے گا؛ اور اُس کی جوانی بحال کر دی جائے گی۔ “—ایوب 33:25، نیو اُردو بائبل ورشن۔
مُردوں کو زندہ کر دے گی۔”سب لوگ جو قبروں میں ہیں، [یسوع] کی آواز سنیں گے اور نکل آئیں گے۔“—یوحنا 5:28، 29۔