بائبل کی آیتوں کو کیسے یاد رکھیں؟‏

کیا کبھی کبھار آپ کو بائبل کی کوئی ایسی آیت ڈھونڈنا مشکل لگتا ہے جسے آپ نے کئی بار پڑھا ہے لیکن اب آپ کو یاد نہیں آ رہا کہ وہ کہاں لکھی ہے؟ شاید یہ ایسی آیت ہو جس سے آپ کو بہت تسلی ملتی ہے یا ایسی آیت جو غلط سوچ پر قابو پانے میں آپ کے کام آتی ہے یا پھر ایسی آیت جسے آپ دوسروں کو بتانا چاہتے ہیں۔ (‏زبور 119:‏11،‏ 111‏)‏ ذرا کچھ ایسے مشوروں پر غور کریں جن کی مدد سے آپ بائبل کی آیتوں کو یاد رکھ پائیں گے۔‏

• ‏”‏جے‌ڈبلیو لائبریری“‏ ایپ میں ٹیگ کی خصوصیت کو اِستعمال کریں۔‏ ”‏پسندیدہ آیت“‏ کے نام سے ایک ٹیگ بنائیں اور پھر اِس میں ہر اُس آیت کو ڈال لیں جسے آپ یاد رکھنا چاہتے ہیں۔‏

• آیت کو کسی ایسی جگہ لکھ کر لگائیں جہاں آپ اِسے آسانی سے دیکھ سکیں۔‏ ایک کاغذ پر اُس آیت کو لکھ لیں جسے آپ یاد رکھنا چاہتے ہیں۔ پھر اِسے کسی ایسی جگہ پر لگائیں جہاں آپ اِسے آتے جاتے دیکھ سکیں۔ کچھ لوگ اِسے اپنے شیشے پر جبکہ کچھ لوگ اِسے اپنے فریج کے دروازے پر لگاتے ہیں۔ اِس کے علاوہ کچھ لوگ اپنے موبائل میں ایک آیت کی تصویر کھینچ لیتے ہیں اور پھر اِسے اپنے موبائل یا کمپیوٹر کی سکرین پر سیٹ کر لیتے ہیں۔‏

• کارڈز کو اِستعمال کریں۔‏ ایک خالی کارڈ پر ایک طرف بائبل کی آیت کا حوالہ لکھیں اور اِس کے دوسری طرف اُس کے الفاظ لکھیں۔ پھر یا تو حوالے والی سائڈ کو دیکھتے ہوئے اُس آیت کے الفاظ کو یاد کرنے کی کوشش کریں یا پھر الفاظ والی سائڈ کو دیکھتے ہوئے آیت کا حوالہ یاد کرنے کی کوشش کریں۔‏