کیا آپ رابطے کے کارڈز اِستعمال کر رہے ہیں؟‏

چونکہ بڑی مصیبت نزدیک ہے اِس لیے یہ بہت ضروری ہے کہ زیادہ سے زیادہ لوگوں تک بادشاہت کا پیغام پہنچایا جائے۔ (‏امثا 24:‏11، 12،‏ 20‏)‏ اِس مقصد کے لیے ہم رابطے کے کارڈز اِستعمال کر سکتے ہیں۔ اِن کارڈز کے ذریعے لوگوں کی توجہ خدا کے کلام اور ہماری ویب‌سائٹ کی طرف دِلائی جا سکتی ہے۔ کارڈز پر ایک کوڈ ہے جسے سکین کرنے سے ویڈیو بائبل میں دلچسپی کیوں لیں؟‏ کُھل جاتی ہے۔ اِن کارڈز کے ذریعے لوگوں کو بائبل کورس کرنے یا مزید معلومات حاصل کرنے کی دعوت دی جاتی ہے۔ کچھ لوگ ہماری مطبوعات تو نہیں لیتے لیکن وہ ہماری ویب‌سائٹ دیکھنے پر راضی ہو جاتے ہیں۔ ایسے لوگوں کو رابطے کا کارڈ دینے سے نہ ہچکچائیں۔ لیکن یہ کارڈ اُن لوگوں کو نہ دیں جو ہمارے پیغام میں دلچسپی نہیں لیتے۔‏

اپنے روزمرہ کاموں کے دوران جب آپ کسی سے ملتے ہیں تو آپ اُس سے کہہ سکتے ہیں:‏ ”‏مَیں آپ کو ایک کارڈ دینا چاہتا ہوں۔ اِس کارڈ میں ایک ویب‌سائٹ کے بارے میں بتایا گیا ہے جس پر مختلف موضوعات کے متعلق معلومات اور ویڈیوز ہیں۔“‏ (‏یوح 4:‏7‏)‏ اِس طرح اُس شخص کے دل میں شوق پیدا ہوگا کہ وہ ہماری ویب‌سائٹ کو دیکھے۔ رابطے کے کارڈز کا سائز چھوٹا ہے اِس لیے آپ اِنہیں ہر وقت اپنے پاس رکھ سکتے ہیں اور کسی بھی موقعے پر اِستعمال کر سکتے ہیں۔‏