کیا خدا کا کلام آپ کی زندگی پر اثر ڈالتا ہے؟‏

ہر روز بائبل پڑھنے سے ’‏جڑ پکڑتے جانے‘‏ اور ”‏ایمان میں مضبوط“‏ رہنے میں ہماری مدد ہوگی۔ (‏کُل 2:‏6، 7‏)‏ لیکن اگر ہم چاہتے ہیں کہ یہوواہ خدا کا کلام ہماری زندگی پر اثر ڈالے تو ہمیں اِس میں لکھی باتوں پر سوچ بچار کرنے اور اِس کے اصولوں پر عمل کرنے کی ضرورت ہے۔ (‏عبر 4:‏12؛‏ یعقو 1:‏22-‏25‏)‏ یشوع 1:‏8 میں تین ایسی باتیں بتائی گئی ہیں جن پر عمل کر کے ہم پاک کلام کی پڑھائی سے بھرپور فائدہ حاصل کر سکتے ہیں۔ (‏1)‏ خدا کے کلام کو ”‏دن اور رات“‏ پڑھیں۔ (‏2)‏ خدا کے کلام کو ”‏دھیان“‏ سے پڑھیں یعنی اِسے ایسی رفتار سے پڑھیں کہ آپ اِس پر سوچ بچار کر سکیں اور اُن واقعات کا تصور کر سکیں جو آپ پڑھ رہے ہیں۔ (‏3)‏ ”‏جو کچھ اِس میں لکھا ہے،“‏ اُس پر عمل کریں۔ اگر ہم اِن مشوروں پر عمل کریں گے تو ہم اپنی زندگی میں سمجھ‌داری سے کام لینے کے قابل ہوں گے اور ”‏خوب کامیاب“‏ ہوں گے۔‏