مُنادی میں کیا کہیں؟‏

مئی کے پہلے ہفتے والے دن بائبل کے مطالعے کی پیشکش کے لئے تجویز

‏”‏کیا آپ نے کبھی سوچا ہے کہ یسوع مسیح اب کیا کر رہے ہیں؟ [‏جواب دینے دیں۔]‏ مَیں آپ کو اِس سلسلے میں ایک مضمون دکھانا چاہتا ہوں۔“‏ یکم اپریل کے مینارِنگہبانی کے صفحہ ۳۱ پر سوال نمبر ۵ کے جواب اور اِس میں دی گئی کسی ایک آیت کو پڑھیں۔ رسالہ پیش کریں اور اِس مضمون کے کسی اَور سوال پر بات‌چیت کرنے کے لئے دوبارہ ملاقات کرنے کا بندوبست بنائیں۔‏

مینارِنگہبانی یکم مئی

‏”‏بہت سے لوگ یسوع مسیح کے بارے میں مختلف نظریات رکھتے ہیں۔ آپ کے خیال میں کیا یہ جاننا اہم ہے کہ پاک صحیفے یسوع مسیح کے بارے میں کیا کہتے ہیں؟ [‏جواب دینے دیں۔ پھر یوحنا ۱۷:‏۳ کو پڑھیں۔]‏ اِس رسالے میں پاک صحیفوں سے بتایا گیا ہے کہ یسوع مسیح کی زندگی کا مقصد کیا تھا اور اُنہوں نے اپنی جان کیوں قربان کی تھی۔“‏

جاگو!‏ اپریل-‏جون

‏”‏آج‌کل لوگوں میں جن‌بھوت، چڑیلوں اور جادوگری والے ڈرامے دیکھنے کا شوق بڑھ رہا ہے۔ کئی لوگوں کا خیال ہے کہ ایسا کرنے میں کوئی حرج نہیں۔ آپ کا کیا خیال ہے؟ [‏جواب دینے دیں۔]‏ غور کریں کہ خدا نے اِس سلسلے میں بنی‌اِسرائیل کو کونسی آگاہی دی۔ [‏استثنا ۱۸:‏۱۰-‏۱۲ کو پڑھیں۔]‏ اِس رسالے میں بتایا گیا ہے کہ جادوٹونے کے بارے میں خدا کا نظریہ کیا ہے۔“‏