براہِمہربانی فوراً ملاقات کریں
کن سے فوراً ملاقات کریں؟ اُن اشخاص سے جنہوں نے لٹریچر کی یا باقاعدہ رسالہ لینے کی درخواست کی ہے یا جو چاہتے ہیں کہ کوئی گواہ اُنکے گھر ملاقات کیلئے آئے۔ ایسی درخواستیں کہاں سے آتی ہیں؟ ایسے اشخاص کی طرف سے جو بذریعہ ڈاک، ٹیلیفون یا ہمارے باضابطہ انٹرنیٹ ویب سائٹ پر برانچ دفتر سے رابطہ کرتے ہیں۔ جب ایسی دلچسپی دکھائی جاتی ہے تو برانچ دفتر مقامی کلیسیا کو ایس-۷۰ فارم پر مطلع کرتا ہے جو اس سُرخی کے ساتھ ایک سلپ ہوتی ہے ”براہِمہربانی اس شخص سے ملاقات کرنے کیلئے ایک لائق پبلشر کا بندوبست کریں۔“ جب بزرگوں کو ایک ایس-۷۰ فارم ملتا ہے تو اسے فوراً کسی ایسے پبلشر کو دینا چاہئے جو دلچسپی کی پیروی کرنے کیلئے مستعدی سے ملاقات کرتا ہے۔ اگر پبلشر کو وہ شخص گھر پر نہیں ملتا تو وہ ٹیلیفون کے ذریعے رابطہ کرنے کی کوشش کر سکتا ہے یا ہوشیاری سے ایک نوٹ چھوڑ سکتا ہے۔ اگر آپکو ایسی ملاقات کرنے کیلئے کہا جاتا ہے تو دلچسپی دکھانے والے شخص سے فوراً رابطہ کرنے کی کوشش کریں۔