گیت نمبر 91
ہماری محنت کا پھل
(زبور 127:1)
1. یہوواہ، یہ دن ہے خاص
آج ہم سب آئے تیرے پاس
بڑھائی تُو نے شان، دیا مان
برکت ہم کو دی
ہماری محنت کا پھل
ہمارے سامنے ہے اِس پَل
ہم نے تعمیر کِیا، کام کِیا
تُو نے ساتھ دیا
خدایا، تُو نے دیا شرف یہ
کہ ہم بنائیں یہ خاص گھر
اِس سے بڑائی ہو تیرے نام کی
آسمانی باپ، ہو برکت اِس عمارت پر
2. مل جُل کے کام کرنے سے
بنائے اچھے دوست ہم نے
یہ یادیں رہیں گی، بسیں گی
دلوں میں سدا
ہم نے ہر دن محنت کی
اور تیری روح نے مدد کی
یوں ہم نے کی تعظیم اور تکریم
تیرے پاک نام کی
خدایا، تُو نے دیا شرف یہ
کہ ہم بنائیں یہ خاص گھر
اِس سے بڑائی ہو تیرے نام کی
آسمانی باپ، ہو برکت اِس عمارت پر
(زبور 116:1؛ 147:1؛ روم 15:6 کو بھی دیکھیں۔)