گیت نمبر 29
ہم خدا کا نام بلند کریں گے
(یسعیاہ 43:10-12)
1. اَے باپ یہوواہ، عظیم تیری ذات ہے
حکمت اور قدرت کا مالک تُو ہے
تُو ہی محبت کی اعلیٰ مثال ہے
خالق اور حاکم کائنات کا تُو ہے
تیری عبادت سے پاتے ہیں خوشی
شوق سے سناتے ہیں تیرا پیغام
ہے فخر ہم کو کہ تیرے گواہ ہیں
کریں ہمیشہ بلند تیرا نام
2. مل کے جب خدمت ہم کرتے ہیں تیری
پیار بڑھتا ہے سب کا ایک دوسرے سے
لوگوں کو دیتے ہیں تیری تعلیم ہم
تاکہ ایمان لائیں وہ بھی تجھ پہ
تیرا عظیم نام پہچان ہے ہماری
مانتے رہیں گے ہم تیرے احکام
ہے فخر ہم کو کہ تیرے گواہ ہیں
کریں ہمیشہ بلند تیرا نام
(اِست 32:4؛ زبور 43:3؛ دان 2:20، 21 کو بھی دیکھیں۔)