گیت نمبر ۳۲
سچائی کی راہ پر قائم رہو
(۱-کرنتھیوں ۱۵:۵۸)
۱. دُنیا میں خوفوہراس پھیلا ہے
ہر سُو مستقبل کا ڈر چھایا ہے
لیکن ہم ہول کبھی نہ کھائیں گے
سایہ ہے رب کا ہم پہ
ہم قائم رہیں گے سدا
ہوں گے نہ رب سے جُدا
ہم سچائی کی راہ پہ ہمیشہ چلیں گے
۲. ہم پہ آزمائشیں شیطان لاتا ہے
رہیں گے قائم گر دل پاک رہتا ہے
دیتا یہوواہ سہارا دن رات
گر مانیں ہم اُس کی بات
ہم قائم رہیں گے سدا
ہوں گے نہ رب سے جُدا
ہم سچائی کی راہ پہ ہمیشہ چلیں گے
۳. ہم کریں یاہ کی عبادت دل سے
جا کر سنائیں خوش خبری مل کے
اِس بُرے دَور کا جلد خاتمہ ہوگا
سو کریں رب سے وفا
ہم قائم رہیں گے سدا
ہوں گے نہ رب سے جُدا
ہم سچائی کی راہ پہ ہمیشہ چلیں گے
(لو ۲۱:۹؛ ۱-پطر ۴:۷ کو بھی دیکھیں۔)