سلیمان کی غزلُ‌الغزلات

8 کاش کہ تُم میرے بھائی جیسے ہوتے

جس نے میری ماں کی چھاتیوں سے دودھ پیا ہوتا!‏

پھر اگر تُم مجھے کہیں باہر ملتے تو مَیں تمہیں چُوم لیتی

اور کوئی بھی مجھے بُرا نہ سمجھتا۔‏

 2 مَیں تمہارے آگے آگے چلتی

اور تمہیں اپنی ماں کے گھر لے جاتی

جس نے مجھے بہت کچھ سکھایا۔‏

مَیں تمہیں مصالحے‌دار مے پینے کے لیے دیتی

اور اناروں کا تازہ رس بھی۔‏

 3 اُس کا بایاں ہاتھ میرے سر کے نیچے ہوتا

اور اُس کا دایاں ہاتھ مجھے گلے لگاتا۔‏

 5 ‏”‏یہ کون ہے جو ویرانے سے اپنے محبوب کی بانہوں میں چلی آ رہی ہے؟“‏

‏”‏مَیں نے سیب کے درخت کے نیچے تمہیں جگایا

 6 مجھے مُہر کی طرح اپنے دل پر چھاپ لو؛‏

مُہر کی طرح اپنے بازو پر لگا لو

کیونکہ محبت موت جتنی طاقت‌ور ہے

اور کامل وفا*‏ قبر*‏ کی طرح ہار نہیں مانتی۔‏

 7 ٹھاٹھیں مارتا پانی محبت کی آگ کو نہیں بجھا سکتا

اور نہ ہی دریا اِسے بہا لے جا سکتا ہے۔‏

اگر کوئی شخص محبت کی خاطر اپنے گھر کی ساری دولت بھی دے دے

تو اُس دولت*‏ کو بالکل حقیر سمجھا جائے گا۔“‏

 8 ‏”‏ہماری ایک چھوٹی بہن ہے

جس کی چھاتیاں ابھی نہیں اُبھریں۔‏

جس دن اُس کے رشتے کی بات چلے گی

ہم اُس کے لیے کیا کریں گے؟“‏

 9 ‏”‏اگر وہ ایک دیوار ہے

تو ہم اُس پر چاندی کی مُنڈیر بنائیں گے۔‏

لیکن اگر وہ ایک دروازہ ہے

تو ہم دیودار کا تختہ لگا کر اُسے بند کر دیں گے۔“‏

10 ‏”‏مَیں ایک دیوار ہوں

اور میری چھاتیاں بُرج ہیں۔‏

سلیمان!‏ آپ کے چاندی کے ہزار ٹکڑے*‏ آپ کو مبارک ہوں

اور آپ کے باغ کی باغبانی کرنے والوں کو اُن کے دو سو ٹکڑے مبارک ہوں۔“‏

13 ‏”‏باغوں میں بسنے والی!‏ میرے ساتھی تمہاری آواز سننے کے منتظر ہیں۔‏

مجھے اپنی آواز سنا دو۔“‏

14 ‏”‏میرے محبوب!‏ جلدی آؤ!‏

اُس غزال یا جوان ہِرن کی طرح تیزی سے آؤ

جو خوشبودار پودوں والے پہاڑوں پر ہے۔“‏