Tairururaa mataeinaa 2009 a te mau Ite no Iehova
1. (a) Eaha te mau haamaitairaa ta tatou e fanaˈo ia haere tatou i na mahana tairururaa mataeinaa e toru? (b) Eaha te mau faanahoraa e mea tia ia rave tatou i teie nei?
1 Te tiai ru nei tatou paatoa i te tairururaa mataeinaa 2009 e i te mau taime apî no te arue ia Iehova e to tatou mau hoa, o “tei ite i to ratou veve i te pae varua.” (Mat. 5:3, MN) I te mea e te piri oioi maira te mahana o Iehova, te aˈo nei matou i te melo taitahi ia haere i na mahana e toru no te fanaˈo roa i te auhoaraa Kerisetiano mahanahana e te faaitoitoraa pae varua atoa no te mau papu i roto i te faaroo. (Zeph. 1:14) A faaite i ta oe mau orometua haapii e ta oe paoti e e tuhaa faufaa roa te tairururaa o ta oe haamoriraa. A faaitoito i te faanaho oioi ia oe e i te imi i te haamaitairaa a Iehova; e nehenehe oe e tiaturi i ta ˈna turu.—Isa. 50:10.
2. Eaha ta tatou e nehenehe e ite noa ˈtu e aita tatou i titau-manihini-hia i te hoê tairururaa nunaa rau?
2 Tairururaa nunaa rau: I te mea e e tupu teie mau tairururaa i te tahi noa mau fenua e oire, o te feia noa tei titau-manihini-hia te nehenehe e haere atu. Ia turu tatou i teie faanahoraa, eita ïa e rahi roa ino te feia ruru. (Kor. 1, 14:40; Heb. 13:17) I e rave rahi râ tairururaa mataeinaa, e itehia te hoê huru tupuraa nunaa rau, i te mea e mea rahi te mitionare, te melo o te Betela i te ara e te tavini nunaa rau te haere i te hoê tairururaa i to ratou fenua tumu.
3. E nafea ia faaite i te here Kerisetiano i nia i te tahi pae o ta tatou amuiraa?
3 A tauturu ia vetahi ê ia haere mai: Te vai ra anei i roto i ta oe amuiraa o te hinaaro ra i te tauturu no te haere i te tairururaa? Ia tauturu oe ia ratou, ‘eita ïa oe e haapao i ta oe anaˈe ihora, i to vetahi ê atoa râ maitai.’—Phil. 2:4.
4, 5. Ia haere oe i te hoê tairururaa ê atu i ta ta oe amuiraa, no te tahi mau tupuraa, eaha ïa ta oe e rave?
4 Haamaramaramaraa: No te faaiti mai i te niuniu i te amaa no nia i te mau taio mahana e vahi o te mau tairururaa, a hiˈo na i te Tour de Garde o te 1 no Mati 2009 aore ra a ani atu i te papai parau o ta oe amuiraa.
5 E fatata te mau api parau Demande de chambre pour cas particuliers i te haponohia i te mau papai parau o te mau amuiraa.
6. Eaha te faanahoraa e pee ia hinaaro taa ê te hoê taata poro i te tauturu i te pae nohoraa?
6 Hinaaro taa ê: Ia hinaaro te hoê taata poro i te tauturu i te pae nohoraa, e faaoti te tomite tiaauraa a te amuiraa e e tano anei ia faaî oia i te hoê Demande de chambre pour cas particuliers. Hou te papai parau e hapono ai i te reira i te tuhaa haapao i te nohoraa, e hiˈopoa te tomite tiaauraa i te reira ia au i te mau faaueraa e vai ra i nia iho i te api parau e i roto i Ta tatou taviniraa i te Basileia no Tenuare 1998 api 3, paratarafa 5 e 6.
7. Eaha ta tatou e tapitapi na mua no nia i te tairururaa mataeinaa 2009?
7 Ohipa o te faahanahana i te Atua: Ia faaite tatou i ta te varua e faatupu i roto i ta tatou mau ohipa atoa, ma te haapao maitai i ta tatou parau e to tatou haerea i nia i te mau taata i te oire o te tairururaa, te turu ra ïa tatou i te roo maitai o te nunaa o Iehova e te ape ra tatou i te faaturori ia vetahi ê. (Kor. 1, 10:31; Kor. 2, 6:3, 4) Ia faahanahana ïa to oe taeraa e to oe haerea i te tairururaa mataeinaa 2009 i te Atua!—Pet. 1, 2:12.
[Tumu parau tarenihia i te api 6]
Hora:
Mahana maha (Tairururaa nunaa rau noa)
1:20 - 4:55
Mahana pae e Mahana maa
9:20 - 4:55
Tapati
9:20 - 4:00