A tauturu ia ratou ia fanaˈo i te hoê faaiteraa taatoa aˈe
1 Ia poro tatou i te parau apî maitai, e pinepine tatou i te farerei i te mau taata o te ora nei i rapaeau i ta tatou tuhaa fenua aore ra o te paraparau nei i te tahi atu reo, e te reo aparaa rima. Ua reva te tahi atu o tei fanaˈo i te mau aparauraa bibilia maitai i rapaeau i ta tatou tuhaa fenua. Eaha te rave ia fanaˈo tera mau taata i te hoê faaiteraa taatoa aˈe? A faaohipa i te api parau Veuillez suivre l’intérêt (S-43).
2 E rave rahi te faaroo maitai aˈe i te parau apî maitai ia faaitehia ˈtu na roto i to ratou iho reo. (Ohi. 22:1, 2) No reira, i te rahiraa o te taime, ia farerei tatou i te hoê taata o te paraparau ra i te hoê reo ê, e mea tia ia faaî tatou i te api parau, noa ˈtu e aita tera taata e anaanatae ra i te poroi o te Basileia. I teie nei, mai te peu e no roto o ˈna i te hoê pǔpǔ taata rahi reo ê i te fenua o te fanaˈo pinepine i te hoê faaiteraa na roto i to ˈna reo, peneiaˈe eita e titauhia ia faaî i te api parau, a faaî noa râ ia faaite o ˈna i te anaanatae.
3 E nafea ia faaî i te api parau: A tutava maine i te tapao i te iˈoa o te taata, to ˈna vahi nohoraa e ta ˈna numera niuniu. A faataa i te faito o to ˈna anaanatae i te parau apî maitai, te vahi e nehenehe ai e farerei ia ˈna, te papai i vaiihohia aore ra i anihia, e te reo ta te taata e taa aˈe. I muri aˈe i te faaîraa i te api parau, a horoa oioi atu i te papai parau o te amuiraa, o te hapono atu i te amuiraa aore ra te pǔpǔ e tano.
4 E nafea ia hapono i te api parau: Mai te peu e aita te papai parau i ite i teihea amuiraa aore ra i teihea pǔpǔ e hapono ai i te api parau, aore ra mai te peu e aita e vahi nohoraa afata rata, e nehenehe o ˈna e niuniu i te Piha ohipa o te mau tuhaa fenua a te amaa no te ani i te mau haamaramaramaraa e hinaarohia. Eita ïa e titau-faahou-hia ia faaara ˈtu i te tiaau oire.
5 I te taime e tae mai ai ta te hoê amuiraa aore ra pǔpǔ api parau Veuillez suivre l’intérêt, ia ravehia te mau mea atoa no te farerei oioi i tera taata e tia ˈi. Ia rave maite tatou i ta tatou tuhaa, e nehenehe tatou e tiaturi e e haamahora Iehova i to te feia “[aau farii e tano] no te ora mure ore.”—Ohi. 13:48; MN.