Parau faaite

◼ Papai e pûpûhia i Fepuare: E haafatata ˈtu ia Iehova. Mai te peu e aita ta outou teie papai, e nehenehe e pûpû i te buka Apokalupo—Tatararaa hopea. Mati: E ara! A pûpû i te feia e anaanatae mau ra i te buka Ite, e a tutava taa ê i te haamata i te mau haapiiraa bibilia. Eperera e Me: Te Pare Tiairaa e te Réveillez-vous! (Na vea e piti.) Ia hoˈi outou e farerei i te feia i faaite i te anaanatae, te feia iho â râ i haere i te Oroa haamanaˈoraa aore ra i te tahi atu tupuraa teotaratia, aita râ e apiti roa ra i te amuiraa, a tutava i te pûpû i te buka Adorez Dieu na roto i te reo Farani aore ra te buka Tahoêhia i roto i te haamoriraa na roto i te reo Tahiti. O te haamataraa i te hoê haapiiraa bibilia te fa, mai te peu iho â râ e ua haapii aˈena te hoê taata i te buka Ite e te buka rairai Titau.

◼ E titauhia ia hiˈopoa te tiaau peretiteni aore ra te hoê taeae ta ˈna i maiti, i te tapura faufaa moni a te amuiraa i te 1 no Mati, aore ra i muri noa iho i teie taio mahana. Ia faaohipahia te tahi atu vairaa parau moni, ei hiˈoraa no te aufau i te mau haamâuˈaraa no te atuaturaa aore ra te paturaa, e hiˈopoa-atoa-hia te reira. Ia oti taua hiˈopoaraa ra, e faaarahia ˈtu te amuiraa i muri aˈe i te taioraa i te tapura faufaa moni i mua nei.

◼ E hiˈopoa te papai parau e te tiaau no te taviniraa i te ohipa a te taatoaraa o te mau pionie tamau. Mai te peu e te fifi ra vetahi ia naea ta ratou mau hora, e faanaho ïa te mau matahiapo ia tauturuhia ratou. E ite outou i te mau manaˈo tauturu i roto i te mau rata matahiti S-201.

◼ Teie te upoo parau o te oreroraa parau taa ê no te taatoaraa o te vauvauhia i te tau o te Oroa haamanaˈoraa 2005, “No te aha Iesu i mauiui ai e i pohe ai?” A hiˈo i te parau faaite o Ta tatou taviniraa i te Basileia no Tetepa 2004.

◼ E hinaaro pauroa tatou e tae mai i te putuputuraa no te taatoaraa i te Tapati 20 no Mati no te faaroo i te hoê parau faaara taa ê no nia i te hoê faanahoraa i te feia poro.

◼ Eita te amaa e farii i te mau aniraa buka a te taata poro taitahi. E haapao te tiaau peretiteni e ia horoahia te hoê parau faaara i te mau avaˈe atoa hou te aniraa buka taavaˈe a te amuiraa e haponohia ˈi i te amaa. Na roto i teie ravea, e nehenehe ïa te feia atoa e hinaaro ra i te tahi mau buka na ratou iho e faaara i te taeae haapao i te mau buka. A haamanaˈo eaha te mau mea e titauhia ia ani i nia i te hoê api parau aniraa taa ê.