Ia aravihi atu â i roto i te taviniraa—A poro i te taata reo ê

No te aha e mea faufaa ˈi? Mea faufaa no Iehova te maitai pae varua o te taata o “te mau fenua atoa.” (Ohi. 10:34, 35) No reira Iesu i faaite ai e e porohia te parau apî oaoa “e ati noa ˈˈe teie nei ao” e i “te mau fenua atoa.” (Mat. 24:14) Ua tohu Zekaria e e farii te taata “no roto i te mau parau [aore ra reo] atoa o te mau fenua” i te parau apî oaoa. (Zek. 8:23) Ia au i te orama a te aposetolo Ioane, “no te mau fenua atoa, e te mau opu atoa, e te mau nunaa atoa, e te mau reo atoa” te feia te ora ˈtu i te ati rahi. (Apo. 7:9, 13, 14) Mea faufaa roa ïa ia poro atoa tatou i te taata reo ê ta tatou e farerei.