E nafea ia faaohipa i te api parau?

E faaîhia te api parau Veuillez suivre l’intérêt (S-43) ia farerei oe i te hoê taata tei anaanatae o te ore râ e faaea i roto i ta outou tuhaa fenua aore ra e reo ê to ˈna. I faaohipahia na teie api parau ia farereihia te taata reo ê noa ˈtu e aita o ˈna e anaanatae ra. I teie nei, e faaîhia teie api parau no te feia anaˈe e anaanatae ra e te feia tariˈa turi tei anaanatae aore ra aita.

Ia aha ua oti anaˈe te reira i te faaîhia? Ia horoahia te reira i te papai parau o te amuiraa. Ia ite oia i teihea amuiraa e hapono atu, e horoa noa ïa oia i te reira i te mau matahiapo o tera amuiraa ia faanaho ratou i te tauturu i taua taata ra. Ia ore, e hapono atu oia i te api parau i te amaa.

Ia ora te tahi taata reo ê tei anaanatae i roto i ta outou tuhaa fenua, a atuatu noa ïa i to ˈna anaanatae e tae roa ˈi i te taime e haere mai ai te hoê taata poro o te hoê amuiraa e paraparau ra i to ˈna reo.—A hiˈo i te api 4 o Ta tatou taviniraa i te Basileia no Novema 2009.