Putuputuraa no te taviniraa

Hebedoma o te 9 no Tetepa

Himene 209

13 mn: Mau parau faaara. Mau parau faaite e tano o Ta tatou taviniraa i te Basileia. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Atete 2002 no te pûpû atu i te mau vea (Te Pare Tiairaa o te 15 no Atete e te Réveillez-vous! o te 22 no Atete). I roto i na faahiˈoraa taitahi, a faaô mai i te hoê raveraa ê atu no te pahono i te patoiraa “Aita vau e anaanatae ra i te mau Ite no Iehova.”—A hiˈo i te buka Haaferuriraa, api 19.

17 mn: “E tauturu anaˈe i to tatou taata-tupu ia faahanahana ia Iehova.”a Mai te peu e e taimehia, a faahiti i te hoê manaˈo e au aore ra e piti no roto mai i te buka Haaferuriraa, api 184-6.

15 mn: No te aha teie ereraa i te faaroo? Aparauraa e te feia e faaroo ra. Te farerei pinepine ra tatou i te taata aita mau â e faaroo. (Tes. 2, 3:2) No te faaite ia ratou i te parau mau no nia ia Iehova, e tia na mua ia tatou ia tamata i te taa eaha tei ohipa i nia i to ratou manaˈo i te Atua. A hiˈopoa i na tumu e maha e ore ai te faaroo e noaa i roto i te buka Haaferuriraa i te mau api 110-2. A titau manihini i te feia putuputu ia faaite e nafea i roto i te mau tupuraa taitahi. A faatia i te hoê tupuraa maitai no nia i te reira aore ra a faahiti i te tupuraa i roto i te Réveillez-vous! o te 22 no Atete 1993, api 14-5.

Himene 122 e pure faaotiraa.

Hebedoma o te 16 no Tetepa

Himene 163

10 mn: Mau parau faaara. Tapura faufaa moni. No te putuputuraa o te taviniraa i mua nei, a faaitoito i te taata taitahi ia taio faahou i te mau tapaopaoraa i ravehia i te tairururaa haaati hopea.

18 mn: Eaha ta tatou i rave i te matahiti i mairi aˈenei? Oreroraa parau vauvauhia e te tiaau no te taviniraa. A faaite i te mau numera faufaa o te tapura a te amuiraa no te matahiti taviniraa 2002. A haapopou no te mau tuhaa maitatai. A faataa taa ê i te mau faahopearaa i noaa mai i te pae o te haereraa mai i te mau putuputuraa, te mau farerei-faahou-raa, te mau haapiiraa bibilia e te taviniraa pionie tauturu; a horoa i te tahi mau manaˈo tauturu au noa no te tauturu i te amuiraa ia haamaitai atu â. A horoa i te tahi mau tapao au noa no te matahiti apî.

17 mn: Te mau metua otahi e to ratou mau fifi. E ui te hoê matahiapo i te hoê aore ra e piti metua otahi (aore ra e ere te hoa i te Ite) mea nafea to raua faarururaa i te mau fifi ta raua e farerei ra no te haapii, no te aˈo e no te aratai i ta raua mau tamarii i te pae varua. E nafea raua ia amo i ta raua hopoia utuafare ma te ore e faarue i te mau putuputuraa e te pororaa? A rave faahou mai i te mau manaˈo tauturu o te buka ra Te oaoa i te utuafare, api 104-10. A faaite mai eaha te tauturu au ta te mau taata ê atu e nehenehe e horoa, mai ta te mau api 113-5 e faaite ra.

Himene 149 e pure faaotiraa.

Hebedoma o te 23 no Tetepa

Himene 107

10 mn: Mau parau faaara. Faahiˈoraa: ma te rave faahou mai i te mau manaˈo tauturu o te api 8 o Ta tatou taviniraa i te Basileia no Atete 2002, e faaite te hoê matahiapo e nafea ia pûpû i Te Pare Tiairaa o te 1 no Tetepa, e te Réveillez-vous! o te 8 no Tetepa na te hoê ïa tavini tauturu. I muri aˈe i na faahiˈoraa taitahi, a faahiti faahou i na pereota matamua o te faatupu i te anaanatae.

10 mn: Mau hinaaro o te amuiraa.

25 mn: “A mǎtaˈu i te Atua, e faahanahana ˈtu ia ˈna.” (Apo. 14:7) Oreroraa parau e aparauraa e te feia e faaroo ra no te haapoto i te tairururaa haaati o te matahiti taviniraa i mairi aˈenei. A titau manihini i te feia putuputu ia tatara i te mau manaˈo faufaa e ia faaite mea nafea to ratou faaohiparaa i te reira ei taata taitahi aore ra ei utuafare. (E nehenehe e horoa-oioi-hia te tahi mau tuhaa.) A aparau i nia i te mau manaˈo i muri nei: (1) “A tauturu i te feia tae apî mai ia faahotu i te mǎtaˈu i te Atua.” E nafea ia tauturu i te feia aau farii maitai o tei haere mai i te Oroa haamanaˈoraa ia haere i mua e ia tavini ia Iehova? (2) “Te mǎtaˈu i te Atua, o te riaria ïa i te ino.” (w87-F 15/4 16-8) E nafea te Maseli 6:16-19 e tauturu ai ia tatou ia haapae i te mau mea ta Iehova e riri ra—te teoteo, te haavare, te nounou taoˈa, te mau faaanaanataeraa iino, te faaohipa-hape-raa i te Internet? (3) “Ia haafatata noa ˈtu â tatou i te feia ta tatou e here ra.” Mea here na tatou o Iehova, o Iesu, to tatou utuafare e te amuiraa; no te aha te haafatataraa ˈtu ia ratou e paruru ai ia tatou i te ao? (4) “A mǎtaˈu ia Iehova eiaha te taata.” E nafea te mǎtaˈu i te faariri ia Iehova e tauturu ai ia tatou ia faaruru i te mamahu ia poro tatou, ia faatura i te mau faaueraa tumu a te Atua i te ohipa aore ra i te fare haapiiraa, aore ra eiaha e fati i mua i te mau faaheporaa o ta tatou paoti ohipa ia ore tatou e mairi i te mau putuputuraa e te mau tairururaa? (5) “A rave i te mau mea atoa ei arueraa i te Atua.” (Sal. 119:37; Heb. 4:13) No te aha e tia ˈi i te mǎtaˈu i te Atua ia tapea ia tatou ia inu hua i te ava, ia mataitai i te mau hohoˈa faufau aore ra ia rave huna i te tahi atu mau hara? (6) “E tamau anaˈe i te haere ma te mǎtaˈu ia Iehova.” Eaha te mau haamaitairaa ta Iehova i ninii i nia ia outou no te mea ua vaiiho outou i to ˈna varua ia haa hope i roto i to outou oraraa?—Sal. 31:19; 33:18; 34:9, 17; 145:19.

Himene 171 e pure faaotiraa.

Hebedoma o te 30 no Tetepa

Himene 116

15 mn: Mau parau faaara. A haamanaˈo i te feia poro ia faahoˈi mai i ta ratou tapura taviniraa no Tetepa. A aparau i nia i te tumu parau ra “Mau Piha a te Basileia: Te haere noa ra te porotarama paturaa i mua.”

15 mn: Te mea e riro ai ta tatou mau vea ei mea faahiahia. Oreroraa parau e aparauraa e te feia e faaroo ra. I Atopa, e pûpû tatou i Te Pare Tiairaa e te Réveillez-vous! A faaite no te aha mea faahiahia ˈi taua mau vea ra: (1) Te faateitei ra i te iˈoa o Iehova. (2) Te faaitoito ra ia tiaturi ia Iesu. (3) Te faaite ra i te Basileia o te Atua. (4) Te faaite ra e o te Bibilia te parau mana hau ê. (5) Te faataa ra e nafea te mau parau tohu e tupu ai. (6) Te faaite ra i te auraa mau o te mau tupuraa na te ao atoa nei. (7) Te faaite ra e nafea ia faaruru i te mau fifi no to tatou tau. (8) Te paraparau ra i te mau huru taata atoa. (9) E ere i te vea poritita. E piti faahiˈoraa poto: i roto i na faahiˈoraa taitahi, a faaite e nafea ia faaohipa hoê o taua mau manaˈo ra no te haamata i te hoê tauaparauraa.

15 mn: “Te tahi mau mauhaa eiaha ia haafaufaa-ore-hia.”b Tuhaa vauvauhia e te hoê matahiapo. A faaite i te mea e itehia ra i roto i te amuiraa e e nafea ia faaohipa i te mau buka ma te paari. A titau manihini ma te onoono ia ani noa te taata taitahi i te mea ta ˈna e hinaaro mau. A haamanaˈo e tei ia tatou ra te fanaˈoraa taa ê e turu i te ohipa na te ao atoa nei i te pae moni.—A hiˈo “E faatura anaˈe ia Iehova i ta tatou mau ô,” i roto i Ta tatou taviniraa i te Basileia no Novema 1996, api 3.

Himene 21 e pure faaotiraa.

Hebedoma o te 7 no Atopa

Himene 129

10 mn: Mau parau faaara.

15 mn: A tia ˈtu i te pae o te parau mau i te fare haapiiraa. A ui hoê aore ra e piti taurearea poro o tei haamata faahou i te haapiiraa e tei taa ia raua te faufaaraa ia taotia i te mau amuimuiraa e to raua mau hoa e ere i te Ite. E nafea raua i mua i te mau fifi aore ra i mua i te faahemaraa e faatupuhia e te mau oroa here aiˈa, e te mau po oriraa, e te mau rururaa a te feia paturu, e te mau ohipa tuaro a te fare haapiiraa aore ra te mau haerea viivii? A ui atoa e nafea raua ia tutava i te poro i te fare haapiiraa.

20 mn: “Eiaha tatou e tapi i te mau ‘mea faufaa ore.’”c I muri aˈe i te hiˈopoaraa i te paratarafa 4, a faahiti i te tahi mau manaˈo no roto mai i te api hau o Ta tatou taviniraa i te Basileia no Novema 1999, paratarafa 30-2. I te paratarafa 5, a tatara i te tumu parau tarenihia o Te Pare Tiairaa o te 1 no Atopa 1994, api 8. A hiˈopoahia ˈi te paratarafa 6, a taio i te paratarafa 18 o te api hau no Novema 1999.

Himene 105 e pure faaotiraa.

[Nota i raro i te api]