Hiˈo-faahou-raa no te Haapiiraa o te Taviniraa Teotaratia

Hiˈo-faahou-raa ma te tapiri i te buka i te mau tumu parau tuatapapahia i roto i te Haapiiraa o te Taviniraa Teotaratia mai te hebedoma o te 2 no Setepa e tae atu i to te 23 no Titema 1996. A pahono i nia i te hoê papie taa ê i te mau uiraa atoa e nehenehe i roto i te area taime i faataahia.

[Nota: I te taime hiˈo-faahou-raa, o te Bibilia anaˈe te faaohipahia. Ua faahitihia te mau faahororaa i muri aˈe i te mau uiraa atoa no te faaohie i ta outou mau maimiraa. Aita te mau numera api e paratarapha o Te Pare Tiairaa i faahiti-pauroa-hia.]

A tuu “tano” aore ra “hape” i muri aˈe i te mau pereota i muri nei:

1. Te “puaa” e hitu afii e ahuru tara i faahitihia i roto i te Apokalupo 13:1, o te Diabolo ïa o Satani. [uw api 63 par. 4]

2. Aita hoê “iˈa rahi” te nehenehe e horomii i te hoê taata taatoa. (Iona 1:17) [si api 145 par. 4]

3. Te manaˈo o te Bibilia no nia i te mau taatiraa o te tino, e manaˈo taata noa ïa i faataahia mai e mea maoro i teie nei. [rs api 373 par. 2]

4. Te faahiti ra te parau tohu a te Daniela 9:24, 25 i te fanauraa o Iesu. [kl api 36 par. 8]

5. Eita te hoê taata tia roa e nehenehe e rave i te ino. [rs api 279 par. 1]

6. I te mea e e nehenehe ta Satani e taui ia ˈna ei melahi no te maramarama, eiaha tatou e vare mai te peu e e au ra e e haamaitai mai vetahi mau peu hiˈohiˈo no te tahi taime. [rs api 383 par. 3]

7. Ua faataehia te parau tohu a Hosea i na opu e piti iho â râ o te basileia no Iuda. [si api 136 par. 8]

8. Te feia e imi ra i te auhoaraa e te parururaa a Iehova, e tia ia ratou ia haapae roa i te amuimuiraa ˈtu i roto i te mau putuputuraa hiˈohiˈo e ia pee i te hiˈoraa i roto i te Ohipa 19:19. [rs api 386 par. 2]

9. Ia au i te Zephania 3:9, e tahoêhia te mau tavini o te Atua i roto i te ao apî, no te mea e paraparau ratou i te hoê anaˈe reo—te reo Hebera. [Taioraa Bibilia tahebedoma; hiˈo w89-F 1/6 api 30.]

10. Ei faatupuraa i te Daniela 12:1, ua “tia mai” o Mikaela mai te matahiti 1914 mai â, i to ˈna riroraa mai ei Arii no te Basileia o te Atua i nia i te raˈi; e fatata roa oia i “te tia mai” na nia i te iˈoa o Iehova ei Aito-Arii upootia, ma te haamou i teie faanahoraa ino. [Taioraa Bibilia tahebedoma; hiˈo w93-TH 1/11 api 23 par. 23.]

A pahono i te mau uiraa i muri nei:

11. O vai te mau mea “tei hinaarohia e te mau fenua atoa” tei faahitihia i roto i te Hagai 2:7, e mea nafea ratou ia “tae mai”? [Taioraa Bibilia tahebedoma; hiˈo w89-F 1/6 api 31 par. 5.]

12. Eaha te parau a na Hebera tootoru tei roto i te Bibilia, e haapapu ra e aita ratou i auraro i te Atua no te mea e paruru mai aore ra e faaora mai oia ia ratou? (Dan. 3:16-18) [si api 134 par. 20]

13. Eaha te irava o tei tohu i te vahi fanauraa o te Mesia? [si api 148 par. 6]

14. No te aha aita te mau semeio e ravehia na nia i te iˈoa o Iesu, i riro ei haapapuraa no te farii maitai e te turu a te Atua? [kl api 46 par. 6-7]

15. Mea nafea te Korinetia 1, 15:45 ia turu i ta te mau Papai Hebera e parau ra no nia i te nephe? [rs api 28 par. 2]

16. I to Iesu pii-hua-raa ˈtu i to ˈna Metua “te tuu atu nei au i tau varua i to rima na,” eaha ïa te auraa? (Luka 23:46) [rs api 139 par. 1]

17. Eaha te parau ta te Salamo 146:4 e faaohipa ra no te faaite e eita te puai ora i roto i te hoê taata e ohipa faahou ia pohe anaˈe te taata? [rs api 382 par. 2]

18. No vai te manaˈo ra e eita mau te taata e pohe, e ihea roa te papairaahia i roto i te Bibilia te haavare matamua o tei taaihia i teie haapiiraa hape? [rs api 382 par. 5]

19. I roto i te Hagai 2:9, teihea hiero tei parauhia te “fare hopea,” teihea “to tei mutaa ihora,” e no te aha e parauhia ˈi e te hanahana o te “fare hopea,” e rahi aˈe ïa i “to tei mutaa ihora”? [Taioraa Bibilia tahebedoma; hiˈo w89-F 1/6 api 30.]

20. I roto i te Hosea 14:2, eaha tei faaitoitohia i te mau Iseraela ia rave, e mea nafea te mau Ite no Iehova ia faatupu i taua parau tohu ra i teie mahana? (Heb. 13:15) [Taioraa Bibilia tahebedoma; hiˈo w94-TH 15/9 api 10 par. 1-2.]

A faaî i te mau area i roto i te mau pereota i muri nei:

21. Ua piihia te oire o ․․․․․․․․ te oire haamanii toto na te peropheta ra o ․․․․․․․․ tau 200 matahiti i muri aˈe i to ․․․․․․․․ faaotiraa i ta ˈna ohipa horoahia mai e te Atua i reira. [si api 146 par. 11, api 151 par. 10]

22. E tia ia tatou ia haamori i te Atua ma te ․․․․․․․․, ma te mafatu tei î i te faaroo e te here; e tia atoa ia tatou ia haamori ia ˈna ma te ․․․․․․․․ na roto i te haapiiraa i ta ˈna Parau. [kl api 45 par. 4]

23. Ia paruruhia tatou i te pae varua, eiaha ia moehia i te oomo i te hoê noa ˈˈe tuhaa o te haana tamaˈi a te Atua, oia hoi te “․․․․․․․․,” “te tapoˈi ouma o te ․․․․․․․․,” “faatamaahia te avae no te ․․․․․․․․ ra o te hau,” “te paruru o te ․․․․․․․․,” “te faaupoo o te ․․․․․․․․,” e “te ․․․․․․․․ a te varua.” [uw api 68 par. 14]

24. Te feia melo no te mau haapaoraa matauhia, to roto e to rapae i te Amuiraa faaroo kerisetiano, te tiaturi nei ratou e e nephe ․․․․․․․․ to ratou e te haafaufaa ore ra hoi te reira i te ․․․․․․․․. [uw api 71 par. 3]

25. E toru ravea haapapuraa e o Iesu mau te Mesia, oia hoi (1) ․․․․․․․․, (2) ․․․․․․․․ e (3) ․․․․․․․․. [kl api 34-8 par. 6-10]

A reni i te mau pahonoraa tano i roto i te mau faahitiraa i muri nei:

26. Ua tauturu te maramaramaraa no nia i te Amosa (8:11; 9:2, 3; 9:11, 12) i te tino aratai o te senekele matamua ia papu e, na te Atua i hinaaro e ia haaputuhia mai te feia e ere i te Iseraela i roto i te amuiraa kerisetiano. (Ohi. 15:13-19) [si api 142 par. 16]

27. I to (Amosa; Ioela; Habakuka) piiraahia e Iehova, e ere oia i te peropheta aore ra i te tamaiti na te peropheta, tera râ, e tiai mamoe oia e e taata haaputu (tamara; suke; olive) o te mau tumu sukamino. [si api 140 par. 1]

28. E tia i te auraa tano o te parau ra varua moˈa, ia tuea e (te mau tiaturiraa i te pae faaroo; te tutuu a te Amuiraa faaroo kerisetiano; te mau Papai taatoa) e faahiti ra i teie parau, e e tapea iho â tatou i te faaotiraa e, te varua moˈa, o (te hoê ïa taata; te hoê melo o te Toru Tahi; te puai ohipa o te Atua). [rs api 136 par. 3]

29. Ua faahitihia te Ioela 2:32 na (Petero; Ioane; Paulo) i roto i te (Ohipa 2:40; Roma 10:13; Timoteo 1, 2:4), i reira to ˈna haapapuraa i te faufaaraa ia tiaoro i te iˈoa o Iehova. [Taioraa Bibilia tahebedoma; hiˈo w96-TH 1/4 api 20 par. 16.]

30. E haapapu tatou e te vai ra ia tatou te varua o te Atua na roto i (te mau horuhoruraa faaroo; te rururaa e te taviriviriraa; te pororaa ma te itoito) e na roto i te faatupuraa i na hotu e (pae; hitu; iva) o te varua. [rs api 137 par. 3-4]

A faatuati i te mau pereota i muri nei i te mau irava e tano:

Deut. 18:10-12; Hos. 10:12; Zeph. 2:3; Iak. 1:26, 27; Ioa. 1, 2:15-17

31. Ia fariihia mai ta tatou haamoriraa e te Atua, e tia ia ore e viivii i te mau peu paieti ore, hau atu râ ia amui-atoa-hia mai te mau mea atoa ta te Atua e haafaufaa rahi nei. [kl api 51 par. 20]

32. Na roto i te raveraa i te parau-tia i roto i to tatou oraraa i te mau mahana atoa, e ooti mai tatou i te aroha hamani maitai o Iehova. [Taioraa Bibilia tahebedoma; hiˈo w96-TH 15/3 api 23 par. 2-3.]

33. Te mau peu hiˈohiˈo atoa, e ravea ïa no te taai atu e aore ra no te uruhia e te mau varua viivii, e ia rave-anaˈe-hia teie mau peu, e taivaraa ino roa ïa ia Iehova. [rs api 384 par. 4]

34. Ei mau Kerisetiano mau, e tia ia tatou ia ape i te mau peu atoa o te pee ra i te varua o te ao paieti ore e haaati ra ia tatou. [kl api 50 par. 17]

35. Eiaha tatou e manaˈo noa e e faaora mai iho â te Atua ia tatou. [si api 156 par. 11]