A faataa i te taime no te haapii no nia i te Atua

E maitaihia to oe oraraa mai te peu e faataa oe i te taime no te haapii no nia i te Atua. A na reira ˈi, te haapao ra oe i to oe hiaai i te mau mea pae varua. A hiˈo na i ta Iesu i haapii.

Eaha ta Iesu i parau?

“E oaoa te feia e hiaai ra i te mau mea pae varua.”—Mataio 5:3.

• E hinaaro tatou pauroa e ite i te pahonoraa o teie mau uiraa: Eaha te tumu o to tatou oraraa? No te aha i rahi roa ˈi te mauiui? Eaha te tupu ia pohe te taata? No te ite i te oaoa mau, mea faufaa ia ite tatou i te pahonoraa o tera mau uiraa.

“Eita te taata e ora i te maa anaˈe, i te mau parau atoa râ no roto mai i te vaha o Iehovaa.”—Mataio 4:4.

• Mai ia tatou e hiaai i te maa pae tino, mea faufaa ia imi atoa tatou i te pahonoraa o tera mau uiraa faufaa no te faafatata i te Atua. Ua haapapu maitai Iesu mea titauhia ia fariu i nia i te Atua no te haamâha i to tatou hiaai i te mau mea pae varua.

“E parau mau ta oe parau.”—Ioane 17:17.

• Ua faaite Iesu eaha te ravea matamua ta te Atua e faaohipa no te haamâha i to tatou hiaai i te mau mea pae varua, oia hoi ta ˈna Parau, te Bibilia.

Ia fanaˈo oe i te oaoa, te faaitoito nei matou ia oe ia faataa i te taime no te haapii no nia i te Atua e no te haamâha i to oe hiaai i te mau mea pae varua. Teie te tahi mau faanahoraa o te tauturu ia oe:

• A taio i te Bibilia ma te tamoni ore.

• A ani i te hoê aparauraa Bibilia tamoni ore e te hoê Ite no Iehova.