“E faaroo outou i te tamaˈi”

“Mai te taime a riro ai au ei papai vea, fatata 60 matahiti to ˈu faaiteraa hau atu 40 tamaˈi na te ao nei. Ua ite au i te tamaˈi i rotopu ia Rusia e te Hau Amui i te ino-roa-raa e i muri iho ua ite au i te faaea taueraa te reira. Tera râ, ua haapeapea rahi aˈe au i 2025 mai tei ore i itehia aˈenei e au. Teie hoê tumu, te tupu nei e rave rahi tamaˈi. Te tahi atoa tumu, e nehenehe hoê o teie mau tamaˈi e haafifi rahi roa i te ao nei mai tei ore i itehia aˈenei.”—John Simpson, taata papai vea i te mau ohipa na te ao nei na BBC, na matou e haapapu nei.

Te haapeapea rahi ra te taata i te uˈana o te mau tamaˈi e tupu nei na te ao nei. Te ui nei e rave rahi e faaea anei te mau tamaˈi. Eaha ta Iesu i haapii?

Eaha ta Iesu i haapii?

Ua tohu Iesu i te mau tupuraa ta tatou e ite ra i teie mahana. Ua faaara oia i ta ˈna mau pǐpǐ: “E faaroo outou i te tamaˈi e te parau o te tamaˈi.”—Mataio 24:6.

Noa ˈtu e ahoaho rahi te mau tamaˈi e te faahuehueraa ta tatou e ite ra i teie mahana, e tumu papu to tatou no te tiaturi. No te aha? No te mea ua haapii Iesu, e riro te mau tamaˈi o te haafifi ra i te taata e te tahi atu mau tupuraa, ei “tapao” o te haapapu ra te ora nei tatou i “te anotau hopea o te ao nei.” (Mataio 24:3; Luka 21:7) Te auraa ïa i mua nei, e faatitiaifaro Iesu i te fifi o te tamaˈi. E nafea?

Eaha ta Iesu e rave?

Fatata roa Iesu, te Arii o te Faatereraa arii a te Atua, e ‘faaore i te mau tamaˈi ati aˈe i te fenua.’—Salamo 46:9.

No te haapii hau atu â no nia i teie hau no amuri aˈe, e nafea te reira e tupu ai, eaha te auraa no outou, a taio i te tumu parau “E nafea te tamaˈi e te faahuehueraa e ore ai?”