Te mau ravea no te oaoa i roto i te hoê tau papu ore: Eaha ta te Bibilia e parau ra?

I roto i teie tau papu ore, mea iti roa ta tatou e nehenehe e rave. Teie râ, to tatou nei oaoa, tei te huru o to tatou huru feruriraa eiaha râ i to tatou tupuraa. Te parau ra te Bibilia, noa ˈtu te mau fifi, “te taata e aau oaoa to ˈna, e tamaaraa noa ïa ta ˈna.” (Mas. 15:15) Eaha ta tatou e nehenehe e rave ia oaoa noa? E hiˈo anaˈe i te tahi aratairaa Bibilia no nia i teie tumu parau.

Faaruru i te mau haapeapearaa

Te parau ra te Bibilia: “E teimaha te aau o te taata no te ahoaho, e oaoa râ oia i te hoê parau maitai.”—Mas. 12:25.

• E tauturu mai te Bibilia ia faaruru i te mau haapeapearaa uˈana. No te ite hau atu â, a taio i te tumu parau “Eaha ta te Bibilia e parau ra no nia i te ahoaho?.”

Aro i te oraraa moˈemoˈe

Te parau ra te Bibilia: “E faaite te hoê hoa mau i te here i te mau taime atoa e e taeae oia tei fanauhia no te taime ahoaho.”—Mas. 17:17.

• Te horoa mai ra te Bibilia i te mau aˈoraa no te haapuai i te mau auhoaraa e no te aro i te oraraa moˈemoˈe. A taio i te tumu parau “A aro i te oraraa moˈemoˈe ma te faahoa ia vetahi: E nafea te Bibilia e nehenehe ai e tauturu?.”

Faaite i te here no te Atua e no te taata

Te parau ra te Bibilia: “‘Ia here oe ia Iehovaa to oe Atua ma to oe aau atoa e ma to oe ora atoa e ma to oe manaˈo atoa.’ ‘Ia here oe i to oe taata tupu mai ia oe iho.’”—Mat. 22:37-39.

• E nehenehe te pure e tauturu ia outou ia faahohonu atu â i to outou here no Atua. No te ite hau atu â, a taio i te tumu parau “Te faaroo ra anei te Atua i ta tatou mau pure?”

• A faaite i te here ia vetahi ê ma te peeraa i te Ture auro. No te ite hau atu â, a taio i te tumu parau “Eaha te Ture auro?”

Hinaaro anei outou e ite i te tahi mau aˈoraa o ta te Bibilia e parau ra no nia i te oaoa i roto i teie tau papu ore? Mai te peu e e, a tamata i ta matou faanahoraa haapiiraa Bibilia tamoni ore.