A aro i te feruriraa moˈemoˈe ma te tauturu ia vetahi ê: Eaha ta te Bibilia e parau ra?

Na te ao nei te moˈemoˈe nei te taata e aita ratou e hinaaro e faahoa e o vetahi. No te mau aivanaa i te pae o te ea, te tautururaa ia vetahi, e ravea tera no te aro i teie feruriraa.

• “E nehenehe te tautururaa ia vetahi ê e haamaitai i to tatou oraraa e e tauturu atoa mai ia aro i te feruriraa moˈemoˈe aore ra te oreraa e faahoa e o vetahi.”—Te faanahoraa i Marite no nia i te ea e i te pae feruriraa.

Te horoa mai ra te Bibilia i te mau aˈoraa papu no te tauturu ia vetahi ê. A faaohipa i ta te reira e parau ra no nia i te aroraa i te feruriraa moˈemoˈe.

Eaha ta oe e rave?

A faaite i te aau horoa noa. A imi i te ravea no te rave i te taime ma te haere roa ˈtu e faahoa e o vetahi. Ia na reira oe, e faaite mai ratou i te mauruuru ma te faahoa ˈtu ia oe.

• Aratairaa Bibilia: “A tamau i te horoa, e horoa atoa mai ïa te taata.”—Luka 6:38.

A haa rahi no vetahi. A imi i te ravea no te tauturu ia vetahi o te fifi ra. E nehenehe oe e faaroo ma te aumihi aore ra e rave i te tahi ohipa o te faaohie i to ratou oraraa.

• Aratairaa Bibilia: “E faaite te hoê hoa mau i te here i te mau taime atoa.”—Maseli 17:17.

No te ite hau atu â e nafea ia faatupu i te auhoaraa maitai e o vetahi, a taio i te tumu parau “Te oraraa utuafare e te auhoaraa.”