E faaore Iesu i te ohipa iino

Ua taa ia Iesu te mauiui no te ohipa iino e te parau-tia ore. Ua pari-haavare-hia oia, ua tairihia, ua haavahia, ua faautuahia ma te tano ore e ua haapohehia oia. Noa ˈtu aita ta ˈna e hara, ua ineine oia i te horoa “i to ˈna ora ei hoo no te taata e rave rahi.” (Mataio 20:28; Ioane 15:13) I teie nei, ei Arii no te Faatereraa arii a te Atua, fatata o ˈna i te hopoi mai i te parau-tia i te fenua nei e i te faaore roa i te ohipa iino.—Isaia 42:3.

Te faataa ra te Bibilia mai te aha te ao i muri aˈe a haa roa ˈi Iesu:

• “Aita faahou te feia ino. E hiˈo oe i to ratou vahi, eita râ oe e ite ia ratou i reira. E fatu râ te feia mǎrû i te fenua, e e au roa ratou i te rahi o te hau.”—Salamo 37:10, 11.

E nafea tatou e faaite ai i to tatou mauruuru no ta Iesu i rave e e rave â no tatou? Hoê o te ravea, o te haapiiraa ïa no nia i “te parau apî oaoa o te Faatereraa arii a te Atua,” te poroi ta ˈna i poro. (Luka 4:43) A taio i te tumu parau “Eaha te Basileia o te Atua?”