A titau manihini i te taata i te Oroa haamanaˈoraa!

E haamata tatou i te opere i te mau titau-manihini-raa no te Oroa haamanaˈoraa i te poheraa o Iesu i te 27 no Fepuare. E titau manihini tatou i te mau taata atoa o te tuhaa fenua no teie oroa. E tia atoa ia hoˈi faahou tatou e farerei i te taata tei faaite i te anaanatae.

TA TATOU E HAAPAO

A TITAU MANIHINI I TE TAATA

“Te opere nei matou i teie titau-manihini-raa i te hoê tupuraa faufaa roa. I te 23 no Mati, e putuputu mai e mirioni taata na te ao nei no te haamanaˈo i te poheraa o Iesu Mesia e no te faaroo i te hoê oreroraa parau Bibilia tamoni ore no te ite e nafea tatou e faufaahia ˈi i to ˈna pohe. E faaite teie titau-manihini-raa i te hora e te vahi e faatupuhia ˈi te reira i ǒ tatou nei. A haere mai ia vata mai oe.”

Ia anaanatae te taata . . .

• A PÛPÛ I TE PARE TIAIRAA

  A faaineine i te taata no te farerei faahou ia ˈna.

• A PATA I TE VIDEO NO NIA I TE OROA HAAMANAˈORAA

  A faaineine i te taata no te farerei faahou ia ˈna.

Ia hoˈi faahou oe e farerei ia ˈna, e nehenehe oe e . . .

• A PATA I TE VIDEO NO TE AHA E HAAPII AI I TE BIBILIA?

  I muri iho, a pûpû ia ˈna i te hoê papai haapiiraa Bibilia.

• A PÛPÛ I TE BUKA EAHA TA TE BIBILIA E HAAPII MAU RA?

  A faaite i te mau haamaramaramaraa hau no nia i te Oroa haamanaˈoraa ma te faaohipa i te mau api 206-208. I muri iho a pûpû i te buka.

• A PÛPÛ I TE BUKA RAIRAI FAAROO I TE ATUA

  A tauaparau no nia i te auraa o to Iesu poheraa ma te faaohipa i te mau api 18-19. I muri iho, a pûpû i te buka rairai.