Oroa haamanaˈoraa i te poheraa o Iesu i Heremani
Hiˈoraa no te pûpû
TE PARE TIAIRAA
Uiraa: Ua faaroo ê na anei oe i teie mau parau tuiroo?
Irava: Ioa 3:16
Papai: Te faataa ra teie vea Te Pare Tiairaa no te aha Iesu i haamauiuihia ˈi e i pohe ai e e nafea oe e faufaahia ˈi i te reira.
TE PARE TIAIRAA (api 16)
Uiraa: A hiˈo na i teie uiraa e te tahi mau pahonoraa faaroo-pinepine-hia. [A taio i te uiraa matamua e te mau pahonoraa i muri iho.] E nafea oe e pahono ai i te reira?
Irava: Mt 4:1-4
Papai: Inaha ua tauaparau te Diabolo ia Iesu e ua tamata oia ia ˈna, e ere ïa te Diabolo i te hoê noa taipe o te ino. Eaha ˈtu â ta te Bibilia e parau ra no nia i te Diabolo? Ta teie ïa tumu parau e faaite mai.
TITAU-MANIHINI-RAA I TE OROA HAAMANAˈORAA
Papai: “Te opere nei matou i teie titau-manihini-raa no te hoê tupuraa faufaa roa. [A horoa i te titau-manihini-raa i te taata.] I te 23 no Mati, e putuputu mai e mirioni taata na te ao nei no te haamanaˈo i te poheraa o Iesu Mesia e no te faaroo i te hoê oreroraa parau Bibilia tamoni ore no te ite e nafea tatou e faufaahia ˈi i to ˈna pohe. E faaite teie titau-manihini-raa i te hora e te vahi e faatupuhia ˈi te reira i ǒ tatou nei. A haere mai ia vata mai oe.”
A FAAINEINE I TA OE IHO
A faaohipa i te mau hiˈoraa na mua ˈtu no te faaineine i ta oe iho.