Titau-manihini-raa i te Oroa haamanaˈoraa
1. E haamata te aha i te 17 no Mati?
1 I te mau matahiti atoa, e faaite te Oroa haamanaˈoraa i te pohe o Iesu. (Kor. 1, 11:26) E hinaaro ïa tatou ia haere mai te taata i taua oroa ra, a faaroo atu ai i te parau o te hoo, ta Iehova ô î i te here. (Ioa. 3:16) I teie matahiti, e haamata te titau-manihini-raa i te Oroa haamanaˈoraa i te Mahana maa 17 no Mati. Te tiai ru nei paha oe i te apiti roa i teie opereraa.
2. Eaha te parau ia titau manihini tatou i te taata?
2 Eaha te parau? Mea maitai aˈe ia haapoto noa ˈtu: “Iaorana, te titau manihini nei matou ia oe e to oe utuafare i te hoê oroa matahiti faufaa e tupu na te ao nei i te 5 no Eperera. E faataa mai te hoê oreroraa parau Bibilia tamoni ore eaha ta te pohe o Iesu i faatupu e te aha ra oia i teie nei. I nia i teie titau-manihini-raa, ua faaitehia te vahi e te hora e tupu ai teie oroa.” I te hopea hebedoma, e pûpû atoa tatou i te mau vea ia nehenehe.
3. E nafea ia titau manihini e rave rahi roa taata?
3 E titau manihini anaˈe e rave rahi roa taata: Tera ta tatou fa. Eiaha e haamoe i ta tatou mau piahi, farerei-faahou-raa, to tatou fetii, hoa, hoa ohipa, hoa haapiiraa, taata tapiri, e ta tatou i matau. Na te mau matahiapo e faataa e nafea ia poro i te tuhaa fenua taatoa. E faahopearaa maitai te noaa mai ia titau manihini i te taata i te Oroa haamanaˈoraa. I te matahiti i mairi, a tomo atu ai te hoê vahine i roto i te piha, ua imi te hoê taeae farii i te taata poro i titau manihini ia ˈna. Ua parau râ teie vahine e aita oia i matau i te mau taata i reira. Na te hoê taata tei haere atu i ǒ na i tera mahana i horoa ˈtu i te api parau.
4. No te aha ia itoito rahi ai i te titau manihini i te taata?
4 Peneiaˈe e tae mai vetahi i te Oroa haamanaˈoraa no te titau-manihini-raa ta oe i vaiiho atu. Ia tae mai ratou aore ra eita, ua horoa oe i te faaiteraa maoti ta oe mau tutavaraa. E faaite te mau api parau i operehia e e Arii puai Iesu i teie nei. Maoti to oe itoito rahi, e ite te taatoaraa, to te tuhaa fenua, te feia poro e o Iehova iho â râ, to mauruuru rahi no te ô o te hoo.—Kol. 3:15.