Rata a te amaa

E te feia poro here i te Basileia e,

Ma te feaa ore, te anaanatae rahi ra outou atoa i tei tupu i Porinetia Farani i te roaraa o te matahiti taviniraa 2006. Mai ta outou i ite, e 6 411 taata i haere i te Oroa haamanaˈoraa i te 12 no Eperera, e numera faahiahia roa te reira no ta tatou amaa!

Ua turu-taa-ê-hia te ohipa pororaa i te roaraa o te matahiti taviniraa i mairi. I Eperera e i Me ra, ua tapao matou i to tatou fenua 1 851 taata poro, e numera o tei ore i naea a 7 matahiti i teie nei.

Mai te 1 no Tiurai 2006, te taio nei matou hoê amuiraa apî i Raivavae. I Tuhaa pae ma noâ, ua tomohia te hoê Piha a te Basileia apî i te 18 no Mati i Rurutu. E mea tia ia tapao e e hau atu i te 50 taata poro e e 2 pionie taa ê o te haa nei i teie nei i roto i te ohipa pororaa i Tuhaa pae ma.—Eph. 5:16.

E mea anaanatae atoa ia tapao e ua faatere te taatoaraa o te feia poro no Porinetia Farani e 2 169 haapiiraa bibilia i te fare i te avaˈe Mati 2006 ra. E nehenehe tatou e manaˈo ma te tano e maoti te haamaitairaa a Iehova, e rahi mau atu â te numera o te feia poro i te Basileia a muri aˈe.—Tim. 1, 2:3, 4.

E mea papu roa e e tamau Iehova i te haamaitai ma te faahiahia roa i te ohipa e ravehia ra e outou atoa. Te oaoa nei tatou paatoa i te haapapu ia ˈna i to tatou mauruuru no to ˈna aau aroha ma te horoa i te mea maitai roa ˈˈe no te rave i te mau ohipa o te faaroo no te arue ia ˈna.—Mas. 3:9.

To outou mau taeae,

Amaa no Tahiti