Opereraa taa ê i te 16 no Atopa–12 no Novema!
1 “Ua fatata te hopea o te haapaoraa hape!” O te upoo parau ïa o te Parau apî o te Basileia no 37, e operehia na te ao atoa nei i te avaˈe i mua. I te roaraa o te afaraa matamua o Atopa, e pûpû tatou i Te Pare Tiairaa e te Réveillez-vous! Mai te Monire 16 no Atopa e tae atu i te Tapati 12 no Novema, e apiti tatou i te opereraa rahi o te Parau apî o te Basileia no 37. I te mau hopea hebedoma o te opereraa, e pûpû tatou i te reira e te mau vea apî.
2 O vai te nehenehe e apiti atu: O te feia atoa ïa o te poro itoito nei i te parau apî maitai te hinaaro e apiti roa ˈtu. E nehenehe vetahi e rave i te taviniraa pionie tauturu. E tamarii anei ta oe aore ra e piahi Bibilia o te haere ra i mua i te pae varua? A tauturu ia ratou ia paraparau i te mau matahiapo no te hiˈo mai te peu e ua ineine ratou i te riro ei feia poro bapetizo-ore-hia. E mea tia ia paraparau te mau matahiapo i te feia aita e poro faahou ra no te faaitoito ia ratou ia apiti atu, peneiaˈe ma te ohipa e te feia poro aravihi.
3 E haponohia ˈtu te mau Parau apî o te Basileia no 37 i te mau amuiraa atoa a nehenehe atu ai te feia poro e te mau pionie e fanaˈo e 40 aˈe api. E nehenehe e horoahia e pae api na te feia e anaanatae ra tera râ aitâ i poro atura no te opere na te mau melo o te utuafare e te mau hoa. E mea tia ia tapao te taatoaraa i te rahiraa api ta ratou i opere e ia papai i muri i ta ratou tapura taviniraa i te hopea o Atopa e Novema. E numera te papai parau i te taatoaraa a te amuiraa e e faaara ˈtu i te amaa i te hopea o te avaˈe taitahi. E nehenehe e faaohipa i te mau Parau apî o te Basileia e toe mai i muri aˈe i te opereraa i roto i te mau huru tuhaa atoa o te taviniraa.
4 Eaha te parau atu: A haapoto i te faaiteraa, ia nehenehe e opere rahi i te poroi. E nehenehe oe e parau e: “Ei taviniraa no te taata, te apiti nei au i te opereraa o teie poroi faufaa i te fenua atoa nei. Teie ta oe api tamoni ore. Na oe ïa te reira e taio mai.” E mea maitai eiaha e rave i te pute pororaa. A tapao maitai i te feia atoa e anaanatae.
5 E nafea ia rave i ta oe tuhaa fenua: Eiaha e opere i te mau Parau apî o te Basileia i te aroâ ohipa, a poro rahi râ i tera fare i tera fare e i te tuhaa fenua tapihooraa mai te peu e e nehenehe. A tapao maitai i te feia aita to te fare, e a tamata i te hoˈi i te tahi atu taime aore ra mahana o te hebedoma. I te haamataraa i te Monire 6 no Novema e nehenehe e vaiihohia te hoê api i te mau fare aita e taata. Tera râ, mai te peu e mea rahi roa te tuhaa fenua ta te amuiraa i tei nehenehe e ravehia i te taime faataahia, e nehenehe ïa te mau matahiapo e faataa e vaiiho i te mau Parau apî o te Basileia i te mau fare aita e taata i te roaraa o te opereraa taatoa.
6 Ua fatata roa te haamouraa o “Babulonia Rahi.” E titauhia ia haere te mau taata i rapaeau ia ˈna hou oia e haamou-roa-hia ˈi. (Apo. 14:8; 18:8) A faaineine ia oe i teie nei no te apiti roa i te opereraa na te ao atoa nei ia ite te taatoaraa e ua fatata te hopea o te haapaoraa hape!