Te porotarama o te tairururaa haaati i mua nei

I teie mau “taime ati rahi faaruru atâ,” e hinaaro tatou i te paari o te Atua no te fanaˈo e te tapea i te farii maitai a Iehova. (Tim. 2, 3:1, MN) E horoa mai te porotarama o te tairururaa haaati o te matahiti taviniraa 2005, o te vauvau i te manaˈo tumu “Ia arataihia tatou e ‘te paari no nia maira,’” i te mau aˈoraa e au ia faaohipahia e te mau faaitoitoraa.—Iak. 3:17.

E tauturu te oreroraa parau matamua e maha tuhaa, “E faahotu anaˈe i ‘te paari no nia maira’ i roto i to tatou oraraa,” ia tatou ia taa i te auraa ia vai viivii ore noa, te hau, te faito noa e te faaroo ohie. I muri iho, e huti te tiaau haaati i to tatou ara-maite-raa i nia i na tuhaa ê atu e toru o te paari o te Atua. E opani te tiaau mataeinaa i te mahana matamua ma te faaite e nafea te mau tavini Kerisetiano, tei faarirohia e vetahi ei ‘haapii-ore-hia e te itea ore,’ e ineine ai i te faaite i te paari o te Atua.—Ohi. 4:13.

I te piti o te mahana, e tauturu te oreroraa parau e maha tuhaa, “E titau anaˈe i te mau mea e maitai ai,” ia tatou ia ite e ia ape i te mau mea o te nehenehe e haaparuparu ia tatou i te pae varua. E faaite atoa te reira ia tatou e nafea ia patu i te tahi atu i te mau putuputuraa a te amuiraa, i roto i ta tatou taviniraa e i roto atoa i te utuafare. E faarahi te oreroraa parau no te taatoaraa, “E nafea tatou e faufaahia ˈi i te paari o te Atua,” i to tatou mauruuru no te mau maitai e noaa mai ia faaohipa tatou i te mau faaueraa tumu a te Atua i roto i to tatou oraraa. E haapapu te oreroraa parau hopea, “E paruru te peeraa i te paari o te Atua ia tatou,” i ta tatou faaotiraa e fariu ia Iehova ra ia noaa mai te paari i teie mau mahana hopea.

E taime faufaa te bapetizoraa o te mau pǐpǐ apî i te mau tairururaa atoa. E rave-atoa-hia te Haapiiraa o te taviniraa teotaratia e te Haapiiraa o Te Pare Tiairaa. Te hinaaro nei Iehova ia fanaˈo tatou taitahi i te paari ta ˈNa e horoa maira. E faufaahia tatou i te pae varua i te mau aˈoraa e faaitoitoraa e noaa mai i te roaraa o ta tatou tairururaa haaati.—Mas. 3:13-18.