Haamanaˈoraa o te tairururaa haaati

E faaohipahia te mau uiraa i muri nei no te hiˈopoa na mua e no te haamanaˈo i te porotarama o te tairururaa haaati o te matahiti taviniraa 2005. E faataa te tumu parau “Te hoê faanahoraa apî no te haamanaˈo i te porotarama o te mau tairururaa,” i te api 4 o teie api hau, e nafea ia faaohipa i te reira. I te roaraa o te haamanaˈoraa, a faanaho i te taime ia navai no te mau uiraa atoa. Te fa matamua o te haamanaˈoraa o te haroaroaraa ïa e nafea tatou e nehenehe ai e faaohipa i te mau manaˈo i tatarahia.

MAHANA MATAMUA: RURURAA O TE POIPOI

1. Eaha te tauturu ia tatou ia titau i te paari o te Atua?

2. Eaha te mau tutavaraa ta te tahi feia poro o te tuhaa haaati i rave no te faaite i te parau apî maitai i te taata e rave rahi atu â?

MAHANA MATAMUA: RURURAA O TE TAPERAA MAHANA

3. No te aha e mea faufaa roa ˈi no te mau Kerisetiano ia vai viivii ore noa i roto ia ratou iho? Eaha ta te reira e titau maira?

4. E nafea tatou e faaite ai i te hau i roto i to tatou mau taairaa e to tatou mau taeae e tuahine?

5. Eaha te hoê huru faito noa; e nafea tatou e faaite ai i te reira i roto i ta tatou faaohiparaa i to tatou taime?

6. Eaha ta tatou e haapii ra na roto i te hiˈoraa o Saula e o Noa? E nafea tatou e nehenehe ai e faaite e mea “faaroo ohie” tatou? (Iak. 3:17)

7. E nafea te mau Kerisetiano e haapae ai i te ora e piti huru oraraa?

8. E nafea ia pee i te hiˈoraa o Paulo no nia i te faaiteraa i te paari o te Atua?

PITI O TE MAHANA: RURURAA O TE POIPOI

9. No te aha e mea tia ˈi ia maiti maite tatou i te mau ohipa ta tatou e rave, e eaha te tauturu mai?

10. Eaha te mau tutavaraa ta te tahi feia poro o te tuhaa haaati e rave nei no te apiti tamau i te mau putuputuraa, e eaha te mau haamaitairaa ta ratou i huti mai?

11. E nafea te mau upoo utuafare e patu ai i to ratou utuafare?

12. I nia i teihea mau hinaaro o te tuhaa haaati te hutiraahia te ara-maite-raa?

PITI O TE MAHANA: RURURAA O TE TAPERAA MAHANA

13. Mai ta te oreroraa parau no te taatoaraa i faaite, eaha te mau ohipa parau-tia ta te paari no nia maira i faatupu?

14. No te aha e mea maamaa ˈi ia tiaturi ia tatou iho aore ra i te feia aita e vaiiho ra ia ratou ia arataihia e te paari o te Atua? I roto i teihea mau tuhaa e ara ˈi tatou?

15. I teihea mau marei e paruruhia ˈi tatou e te paari o te Atua?

16. No te aha e mea faufaa roa ˈi ia faaohipa tatou i te mau aˈoraa o tei horoahia mai i te tairururaa haaati?